Pinatunayan na matibay ang pagkakaibigan nila… JON, isa sa dumamay kay NIKKO nang masangkot sa sex video scandal

MATIBAY ang pagkakaibigan nina Jon Lucas at Nikko Natividad.

Si Jon ang isa sa mga dumamay kay Nikko sa kinaharap nitong krisis na pagkakaroon ng sex video scandal kamakailan.

Sa guesting ni Jon sa “Fast Talk With Boy Abunda” ay ibinahagi niya ang komunikasyon nila ni Nikko.

“Minessage ko siya kaagad, Tito Boy, kinumusta ko siya, siyempre inisip ko kaagad yung family niya,” umpisang pahayag ni Jon.

Hindi raw nagtangka si Jon na panoorin ang kumalat na video ni Nikko, nalaman na lamang niya na totoo pala noong maglabas na ng statement si Nikko at ang misis ni Nikko na si Cielo.

Pagpapatuloy pa ni Nikko…

“Konting kuwentuhan lang, of course hindi ko na tatanungin kung bakit nangyari, ano ba nangyari.

“Basta nagsabi na lang ako na sobrang powerful na nung message ng wife niya para magbigay pa ako ng ibang payo.”

May payo o paalala si Jon kay Nikko lalo pa at pinatawad at inunawa si Nikko ng misis niya.

“Kung pinatawad siya, hangga’t maaari, talagang huwag na niyang gawin, huwag na niyang ulitin, iparamdam na niya sa wife niya yung pagiging tapat niya ngayon.”

Malaking bagay na na sa kabila ng mga nangyari ay nanatili si Cielo sa tabi ni Nikko.

“Meron man o wala, nandun lang talaga. So ang laking bagay na pinatawad na siya ng wife niya para magising siya na ‘Kailangan ko talagang bumawi sa family ko.’”

Napapanood ang Sparkle artist na si Jon sa Encantadia Chronicles: Sang’gre.

(ROMMEL L. GONZALES)