Pinas, Canada nangako ng mas malakas na cyber defense cooperation

MULING inulit ng Pilipinas at Canada ang kanilang commitment na paigtingin ang kanilang cyber defense cooperation.

Isinagawa ng Filipino at Canadian representatives ang kanilang pangako sa isang bilateral meeting na idinaos sa sidelines ng Digital Defense Symposium 2025 sa Singapore noong July 22, ang sinabi ni Department of National Defense (DND) spokesperson Assistant Secretary Arsenio Andolong.

“Representing the DND Philippines, Atty. Odessa Rossilyz L. Magisa, officer in charge, Office for DND Information Security, met with Mr. Hani Nasser, Director of Domains and Technology Policy of the Department of National Defense of Canada. Both sides explored practical areas for collaboration, including capacity-building and information-sharing programs,” ang sinabi ni Andolong.

Winika pa ni Andolong, ang bilateral engagement ay bahagi ng mas malawak na defense partnership sa pagitan ng Pilipinas at Canada, naka-angkla sa Memorandum of Understanding on Defense Cooperation na nilagdaan noong January 2024.

Muli naman itong pinagtibay sa pamamagitan ng isang konklusyon ng negosasyon para sa Status of Visiting Forces Agreement (SOVFA) noong Marso ng taong kasalukuyan. (Daris Jose)

-30-