Pinagdiinang single siya at walang karelasyon…CASSY, nilinaw na kaibigan lang ang foreigner na kasama sa Siargao (ni: ROMMEL GONZALES) 

DAHIL kumalat sa social media ang mga larawan ni Cassy Legaspi habang nagbabakasyon sa Siargao na may kasamang isang guwapong foreigner, kaya inakalang boyfriend niya ito.

Sa interview sa Sparkle GMA Artist Center actress ni Nelson Canlas sa ‘GMA News 24 Oras’ ay nilinaw ni Cassy na kaibigan lang niya ang naturang foreigner.

Ayon pa kay Cassy na first sa Siargao, marami silang magkakaibigan na pumunta.

“I’m willing to hit all the tourist spots sa Siargao because, again, I love Siargao. Sabi ko, ‘Ano gagawin natin dito?’ ‘Skateboard tayo,’ ‘Okay, ikaw muna,’ so my friend skateboarded first.

“Ako, sabi ko, ‘Sige upo muna ako’ and my friend, my friend sat beside me and I didn’t know na-picture-an and na-video-han kami,” at natawa si Cassy.

“And then eventually it was blown out of proportion na dyowa ko siya or something, and honestly we just laughed about it kasi he’s just my friend.”

Sinabi pa ni Cassy na single siya ngayon at walang karelasyon.

Nakatakdang mapanood si Cassy sa upcoming series na “Whispers from Heaven”.

Pagbibidahan ito ni Bea Alonzo kung saan tampok din sina Tom Rodriguez, Maricar Reyes, Sean Lucas, Eunice Lagusad, Vanessa Peña, at marami pang iba.

Heavy drama ang kuwento ng “Whispers from Heaven” pero masaya at magaan daw ang samahan nila sa set.

Samantala, kuwento naman ni Sean na kakaiba ang kanyang papel sa serye kumpara sa mga dati niyang ginagawa.

“Very different po sa usual na I do hosting. Yung past roles ko is very comedic talaga, siguro ito it’s more serious,” sinabi ni Sean na bukod sa “Whispers from Heaven” ay host din si Sean sa GMA game show na “The People Have Spoken” with Heart Evangelista.