Philippine beach volley teams handa na sa Vietnam SEAG

MAYROON  nang sapat na eksperyensa ang national beach volleyball teams para lumaban sa gold me­dal sa 31st Southeast Asian Games sa Hanoi, Vietnam sa Mayo 12-23.

Nagmula sa training camp sa Australia ang dalawang koponan kung saan humataw ang national men’s team ng gold habang isang gold at isang silver ang nakamit ng wo-men’s squad.

“After the Australian camp, we decided to join the competition in Brisbane. Talagang lutang na lutang iyong kahandaan ng mga players,” ani national coach Jan Doloiras sa kanyang pagbisita sa Tabloids Organization in Philippine Sports, Inc. (TOPS) ‘Usapang Sports’ noong Huwebes via Zoom.

Humataw ng gintong medalya sina Ranran Abdilla at Jaron Requinton sa Men’s Challenger Division I at tinumbasan ito nina Jovelyn Gonzaga at Dij Rodriguez sa women’s class ng Australian Beach Volleyball Championship.

Nag-ambag sina Sisi Rondina at Bernadeth Pons ng tansong medalya.

Noong 2019 Manila SEA Games ay kumubra ang men’s at women’s beach volleyball pairs ng tig-isang bronze medal.

Ang Thailand at Indonesia ang mananatiling mahigpit na karibal ng Pilipinas para sa agawan sa gold medal sa Vietnam SEA Games.