PDEA, PJA INILUNSAD ANG JUDO-BASED LIFE SKILLS PROGRAM PARA PALAKASIN ANG MGA KABATAAN NA LABANAN ANG IMPLUWENSYA NG DROGA

INILUNSAD ng Philippine Drug Enforcement Agency (PDEA), sa pakikipagtulungan ng Pinoy Judo Association, Inc. (PJA), ang Judo-Based Life Skills Program, isang youth development initiative na idinisenyo upang bumuo ng katatagan, disiplina, at positibong pag-uugali sa mga kabataang naimpluwensyahan sa paggamit ng droga at iba pang risky behaviors, noong Hunyo 25, 2026 sa Patricia Paraiso Sports Complex, Flora Street, Tondo, Manila.

Nakaangkla sa United Nations Office on Drugs and Crime (UNODC) Sport for Drug Abuse Prevention Framework at sa Line Up Live Up (LULU) Life Skills Program, binabago ng inisyatibo ang pagsasanay sa judo tungo sa isang nakabalangkas na plataporma para sa prevention education at character development.

“Sport, when properly guided, becomes a powerful tool for drug prevention. Alone, it does not prevent substance abuse, but when embedded with values such as respect, discipline, and positive relationships, it becomes an effective platform for youth development and life skills formation,” sabi ni PDEA Director General Undersecretary Isagani R Nerez.

Ang target ng programa ay mga kabataang nasa edad na 13 hanggang 19 mula sa Ikalawang Distrito ng Maynila at tatagal ng labindalawang (12) lingguhang sesyon.

Binigyang-diin ni DG Nerez na ang Judo ay nagsisilbing pisikal na pagsasanay at isang nakabalangkas na plataporma para sa pag-iwas sa droga. “Lessons learned on the mat are intended to extend beyond sport into real-life decisions involving peer pressure, emotional control, and responsible behavior.”

Inulit ng PDEA ang buong suporta nito para sa pagbibigay-kapangyarihan sa kabataan at pangmatagalang pag-iwas sa droga sa pamamagitan ng sport-based education at values formation. “We are committed to building drug-resistant future generations. Investing in youth development today means investing in a safer, stronger, and drug-free future for our communities,” pahayag pa ni PDEA Chief. 

(PAUL JOHN REYES)