Matapos tumamlay ang career ng dating aktor…VICTOR, masaya sa piniling buhay sa corporate world (ni: REY PINEDA) 

MAY bago nga bang nagpapatibok sa puso ng dating frontman ng Rivermaya na si Rico Blanco?

Nakunan ng video si Rico sa isang posh mall na kasama ang isang ‘di pa nakikilalang babae.

Makikita sa video na kasabay na naglalakad ni Rico ang babae na naka-maong shorts lang.

‘Di pa matukoy kung sino talaga ang nasabing babae at kung ito na nga ang ipinalit ni Rico sa dati nitong karelasyong si Maris Racal. Matatandaan na inamin ang kanilang relasyon nuong 2021. 

Subalit matapos ang ilang taong pagsasama, nauwi rin ito sa hiwalayan noong July 2024.

Naging kontrobersyal ang hiwalayan nina Rico at Maris. Marami ang nagsabing may third party involved sa parte ni Maris. 

Matapos ang kanilang masalimuot na hiwalayan, pinili ni Rico na manahimik at gawing pribado ang kanyang romantic life. 

***

MARAMI ang nagtatanong kung nasaan na nga ba ang aktor na si Victor Emmanuel Basa.

Si Victor Basa ay dating aktor, model, radio VJ, television host at former housemate ng Pinoy Big Brother Celebrity Edition 2.

Sa edad na 19 years old, nadiskubre si Victor sa Mega Young Designer’s Competition noong 2004.

Sumali din siya sa Best Model of The World kung saan nanalo siya bilang Best in Swimwear. Matapoos noon, nakuha siya para sa isang television ad ng isang cracker brand, at naging endorser na isang clothing brand. 

Pinasok niya ang daigdig ng showbiz. nagkaroon ng iba’t ibang roles bilang isang seryosong aktor.

Noong 2005, naging maingay ang pangalan niya ng maging endorser siya ng clothing retailer Penshoppe. Kaya’t di nag-atubili ang Star Magic na papirmahin siya ng kontrata.

At 2010 naman ng makarelasyon nito ang TV host at real estate heiress na si Divine Lee. Tumagal ang kanilang relasyon ng mahigit apat na taon, at nagkahiwalay noong April 2015.

Tumamlay na ang career ng aktor.

Muli siyang umibig sa katauhan ni Stephanie Dan at ikinasal sila noong November 10, 2019. May isa na silang anak na si itong Alessandra Emmanuele.

Sa isang Facebook post ni Victor, masaya nitong ibinalita na kasalukuyan na siyang Marketing Professional ng Toyota sa Sta. Rosa, Laguna. 

Marami ang pumuna sa aktor na dating isang celebrity figure na pinili ngayong mabuhay sa corporate world.

Minsan pang pinatotohanan ni Victor na ang showbiz ay hindi isang stable job.

Kailangan niyang mabuhay hindi lamang para sa kanyang sarili kundi para sa kanyang binuong pamilya.

Saludo kami sa ‘yo Victor!