“Mary Grace Piattos” ipiprisintang testigo ng House Prosecution panel sa impeachment trial ni VP Sara 

ISA si ” Mary Grace Piattos” sa ipiprisintang testigo ng House Prosecution panel sa impeachment trial ni Vice President Sara Duterte kaugnay sa confidential funds.

Matatandaang lumabas ang pangalang Mary Grace Piattos sa ginanap na pagdinig ng House Committee on Good Government and Public Accountability noong 2024 tungkol sa paggamit ng pondo ng Office of the Vice President at ng Department of Education.

Batay sa ipinakitang mga acknowledgement receipt sa paggamit ng confidential fund disbursements isa siya sa mga nakatanggap ng confidential funds mula sa mga opisina ng bise presidente.

Gayunpaman, sinabi ng Philippine Statistics Authority sa imbestigasyon ng Kamara na wala silang mga rekord ng kapanganakan, kamatayan o anumang iba pang pagkakakilanlan ng taong nagngangalang “Mary Grace Piattos.”

Samantala, hiniling din ng prosekusyon na buksan ang sealed box na nalalaman ng tax documents ni Duterte na isinumite ng Bureau of Internal Revenue noong pagdinig ng impeachment ng justice committee.

(Vina de Guzman)