Kaya kilig na kilig at very grateful sila sa effort…Fans club nina WILBERT at BEA, grabe ang suporta at may kanya-kanyang paandar (ni: ROSE GARCIA) 

NAPABILIB kami ng mga fan ng WilBea, ang loveteam nina Wilbert Tolentino at Bea Binene. 

Grabe yung suporta nila sa tandem nilang dalawa. Suwerte rin in a way ang VIVA dahil sa bagong series ng WilBea, ang “Love U Lots” na mapapanood pa rin sa VIVA One, aba, todo ang effort ng mga fans club ng dalawa. 

Sa Robinsons Manila Atrium ginanap ang mediacon at may mga kanya-kanya pang paandar na booths ang mga fans. May sari-sari store na booth kunsaan, naaliw ang mga press na namalengke ng mga libreng gulay. May ice-cream, caricature, taho at iba pa. 

Siyempre, kilig na kilig at very grateful naman sina Wilbert at Bea na ilang ulit din nilang sinabi na sariling gastos talaga ng mga fan nila ang mga ito.

Halos ‘di na namin marinig kapag sumasagot sa mga tanong ang dalawa dahil sa mga tilian ng fans. Sa huli, bukod nga sa “Love U Lots”, may surprise announcement din sina Wilbert at Bea na may business na at mga merchandise nila na mabibili. Isa na rito ang komiks at libro na si Wilbert mismo ang gumawa.

Kasama rin sa series sina Janno Gibbs, Katya Santos, Vito Quizon, Migo Valid at Xia Vigor. Sa July 24 na magsisimula ang streaming. 

***

Nadine, nag-enjoy kaya wish na maka-trabaho uli si Alden

MARAMI ang nagtataka bakit walang masyadong ingay ang “Love Siargao” na series nina Alden Richards at Nadine Lustre.

Mas lalong marami ang nagulat na kasalukuyan na pala itong napapanood sa VIU at nasa episode 3 na.

So far, hindi pa raw alam kung maipapalabas nga ito ss free TV.  As in, wala pa raw.

Hindi pa namin nakakausap si Alden, pero para kay Nadine, nag-enjoy raw siya ka-trabaho si Alden. Bilib din daw siya sa kasipagan ng actor at wish ni Nadine na maka-work daw muli si Alden.

Why not, movie naman.