Kai Sotto, dumalo sa Gilas Tune-Up Game habang patuloy na nagpapagaling mula sa Injury
- Published on August 1, 2025
- by @peoplesbalita
Bakas ang kalungkutan ni Kai Sotto habang pinapanood ang tune-up game ng Gilas Pilipinas kontra Macau Black Bears noong Lunes ng gabi sa Araneta Coliseum.
Bagama’t masigla siyang nakipag-selfie sa mga fans sa halftime, ramdam ang lungkot ng manlalaro habang hindi siya makalaro upang tulungan ang koponan.
Sa ngayon hindi pa maibabalik si Sotto dahil sa patuloy na recovery mula sa ACL injury na kanyang natamo noong Enero habang naglalaro para sa Koshigaya Alphas sa Japan B.League.
Sa kabila ng kanyang kondisyon, nagpahayag siya ng kumpiyansa sa Gilas, na bumangon mula sa 21 points na pagkakalamang ng kalaban at nagtala ng 103-98 panalo.