Isko Moreno, lamang pa rin ayon sa survey sa pagka- Mayor sa Maynila

MATATAG pa rin ang lamang ni Francisco “Isko Moreno” Domagoso sa karera sa pagka-alkalde ng Maynila, base sa pinakabagong survey ng OCTA Research.nnSa survey na isinagawa noong Abril 20 hanggang 23, nakakuha si Domagoso ng 63% voter preference, malayo sa 18% ni Mayor Honey Lacuna at 16% ni Rep. Sam Versoza.nnAyon sa OCTA, kahit pagsamahin ang boto nina Lacuna at Versoza, hindi pa rin nito matatalo ang suportang tinatamasa ni Isko sa lahat ng anim na distrito ng lungsod.nnBilang bahagi ng kanyang kampanya, nangako si Domagoso na ibabalik ang kalinisan, kaayusan, at disiplina sa Maynila. (Gene Adsuara)