INTERNET VOTING TEST RUN ISASAGAWA

MAGSASAGAWA ng inisyal na bahagi ng internet voting test run  ngayong weekend ang Commission on Election (Comelec) .

Sa abiso, sinabi ni Comelec Spokesperson James Jimenez na ang aktibidad ay itinakda magsimula sa  Saturday (Sept. 11) ng alas 8 ng umaga (Manila time) at aabot ito hanggang Lunes  (Sept. 13) ng alas  8 ng umaga .

Dagdag pa ni Jimenez na ang voting list ay ipapaskil sa  official Facebook page ng Office for Overseas Voting (OFOV) kung saan makikita ang  last names, first names at middle initial.

Sinabi naman ni Commissioner Rowena Guanzon, commissioner-in-charge para sa  overseas voting, na hihilingin nito sa Kongreso na magpasa ng batas sa  mobile app voting para sa darating na eleksyon sakaling maging matagumpay ang aktibidad

“If these test runs are efficient, effective, and cost-effective, I will recommend to the commission en banc that we request Congress, the House, and the Senate, to consider passing a law to use mobile app voting in the future. If we are looking at 2025, that is quite possible because that is another three years from now, but I think the budget will be the main consideration,” pahayag ni Guanzon sa virtual briefing.

Aniya sa sandaling magamit na ang sistema sa mga susunod na halalan, makakatulong ito oara makatipid ng pondo ng gobyerno.

Ang internet voting test aypangungunahan naman ng Voatz , isang mobile viting solutions provider .

Magsasagawa rin ng test runs ngayong buwan ang iba pang service providers tulad ng  Smartmatic at  Indra Sistemas .

Noong Hunyo, nilagdaan ng Comelec ang isang memorandum of agreement sa mga kumpanya ng teknolohiya para sa pagsasagawa ng live test run ng kanilang mga sistema sa pagboto sa internet.

Ang proyekto ay bahagi ng exploratory study ng poll body ng mga teknolohiyang nakabatay sa internet para sa posibleng paggamit sa pagboto sa internet. GENE ADSUARA