Ibinenta rin ang regalo na mamahaling necklace…HEART, inaming dinonate ang diamond ring na ibinigay ng ex-lover (ni: REY PINEDA) 

INAMIN ni Heart Evangelista na ipinamigay niya ang isang heart-shaped diamond ring na ibinigay ng kanyang ex-lover.

Matapos ang masakit na break up nila, dinonate ni Heart ang singsing sa charity.

Bukod sa diamond ring, isang mamahaling necklace din ang naibigay sa kanya nito. Biro nga nito ibinenta niya yon. 

Kung ating iisipin, dalawa lang naman ang talagang seryosong na-link kay Heart sa showbiz.  Sina John Prats at Jericho Rosales.     

Banggit nga nito, masyado pa silang bata noon ni John at umamin na crush niya ito nung time na nagsisimula pa lang siya sa showbiz. 

Sa totoo lang, pinabulaanan nga nina Heart at John ang kasabihang “lovers can never be friends.”

In fact, sa reunion nila, sinariwa pa ng mga ito ang kanilang naging past relationship. As of now, nananatiling magkaibigan ang dalawa.

Kontrobersyal naman ang naging relasyon niya kay Jericho.  Naging malaking usapin sa showbiz ang kanilang makulay na relasyon.

So, sa dalawang ito, sino sa kanila ang nagbigay kay Heart ng sobrang sakit ng loob at nagawa niyang ipamigay ang mga mamahaling regalo?     

Well, mga taga-showbiz sila. O, baka naman non-showbiz ang tinutukoy niyang ex-lover.