Gilas Women tinalo ang Kazakhstan 86-58

NAGING maganda ang simula ng Gilas Pilipinas Women sa kampanya nila sa 20th Asian Games sa Aichi-Nagoya, Japan.

Sa kanilang unang laro kasi ay tinalo nila ang Kazakhstan sa score na 86-58 sa laro na ginanap sa Aichi International Arena.

Umabot pa sa 39 points ang naging kalamang ng Gilas Womens kung saan hindi nila hinayaan na makalamang ang Kazakhstan.

Nanguna sa panalo ng Gilas Women si Elizabeth Means na nagtala ng 23 points at apat na rebounds.

Habang mayroong 11 points, walong assists at apat na rebounds si Stef Berberabe at tig walong puntos sina Jhaz Joson, Kent Pastrana at Janine Pontejos.

Mayroon ng isang panalo at walang talo ang Gilas Women sa Group B.

Makakaharap ng Gilas Women ang Hong Kong sa araw ng Linggo ng dakong alas-9 ng umaga oras sa Pilipinas.