Gabinete ni PBBM, pag-uusapan ang posibleng pagpapalabas ng SALNs

NAKATAKDANG magpulong ang Gabinete ni Pangulong Ferdinand R. Marcos Jr. para talakayin ang posibleng pagsisiwalat ng kanilang Statement of Assets, Liabilities, and Net Worth (SALNs).

Sa press briefing sa Malakanyang, sinabi ni Presidential Communications Office Undersecretary at Palace Press Officer Claire Castro na may nakatakdang meeting ang mga miyembro ng Gabinete ni Pangulong Marcos, araw ng Sabado, Oktubre 25, inilarawan ito bilang isang hakbang na maaaring hudyat ng paglilipat tungo sa ‘greater transparency’ sa ilalim ng administrasyong Marcos.

“Pag-uusapan po ito ng Cabinet members bukas po. Magkakaroon po ‘ata sila ng pagpupulong,” ang sinabi ni Castro.

Sa ulat, nagpalabas si Ombudsman Boying Remulla ng isang memorandum circular na nagpapahintulot na maibalik muli ang ‘access’ ng publiko sa Statement of Assets, Liabilities and Net Worth o SALN ng mga opisyal ng gobyerno.

Inanunsyo mismo ito ni Atty. Mico F. Clavano kung saan itinanggal na ang mga restriksyon para maka-access sa naturang dokumento.

Kung kaya’t inilatag o inilahad na ang mga guidelines na panuntunan kinakailangan sundin upang magkaroon ng kopya ng ‘assets docuement’

Maaalalang sa pagkakatalaga ni Remulla bilang bagong Ombudsman ay kanya itong nauna ng sinabi bilang bahagi sa layon gawing ‘transparent’ ang naturang opisina.

Kung saan maging mula sa pinakamataas na posisyon o ang Pangulo, at maging sa kanya ay kabilang rin sa mga maaring maisapublikong kopya ng SALN.

At nang tanungin naman si Castro kung isasapubliko rin ng Pangulo ang kanyang SALN, sinabi ni Castro na, “Tingnan po natin kung ano po ang nararapat.”

(Daris Jose)