Akbayan Partylist Rep. Perci Cendaña, inaabangan kung tutuparin ni Marcoleta nahaharapin ang kaso laban sa kanya

INAABANGAN ni Akbayan Partylist Rep. Perci Cendaña kung totohanin ni Senador Rodante Marcoleta kung tutuparin nito ang kanyang pangako na haharapin ang kaso laban sa kanya.

Reaksyon ito ng mambabatas kasunod na rin nang paghahain ng kasong plunder ng Ombudsman sa Sandiganbayan laban kay Marcoleta.

Sinabi pa ni Cendaña na hinihintay niya rin na tuparin ng senador ang nauna niyang pahayag na hindi magtatago sakaling arestuhin.

“Ngayong nagfile na ang Ombudsman ng plunder charges vs. Sen. Marcoleta, tingnan natin kung tutuparin niya ang pangako niyang haharapin ang mga kaso laban sa kanya at hindi magtatago kung sakaling arestuhin. Baka naman sa dulo gayahin niya lang si VP Sara na ayaw humarap sa kaso o kay Bato na tinatakasan ang arrest warrant,” pahayag ni Cendaña.

Bukod kay Marcoleta, kasamang kinasuhan sina dating Anakalusugan Partylist Rep. Mike Defensor at businessmen Aristotle Viray at Joseph Espiritu.

Ang inihaing kaso ng Office of the Ombudsman ay kaugnay na rin sa alegasyon nang pagtanggap ni Marcoleta, na noon ay naka-upong kongresista, ng P75 milyong campaign donations mula kay Defensor at mga nasabing businessmen at kabiguang ideklara anf pondo sa kanyang Statement of Assets, Liabilities and Net Worth (SALN).

(VINA de GUZMAN)