Halos 100 Malabuenos, nakinabang sa Red Cross Health Caravan

UMABOT sa halos 100 residente ng Lungsod ng Malabon ang nabigyan ng libreng serbisyo sa Health Caravan na hatid ng Philippine Red Cross-Malabon City Chapter, na ginanap sa Tinajeros National High School sa Barangay Tinajeros ng lungsod.

Nagbigay ang Philippine Red Cross ng iba’t ibang serbisyo tulad ng libreng konsultasyong medikal at check-up, libreng gamot, at libreng maiinit na pagkain gaya ng taho, pandesal, pansit, kape, at ice cream.

Personal namang dumalo sa nasabing aktibidad si Malabon City Mayor Jeannie Sandoval at nagpahayag ng pasasalamat para sa mga serbisyong ipinagkaloob sa mga mamamayan ng Malabon. 

(Richard Mesa)