Stockholder ang kapatid na si VP Sara …Baste Duterte, walang alam sa GenCorp

SINABI ni Davao City Mayor Sebastian “Baste” Duterte sa impeachment trial ni Vice President Sara Duterte na umabot sa 19 ang awards na ibinigay ng lungsod sa GenCorp Industries Inc., kumpara sa 15 awards na naunang tinukoy ng isang kinatawan ng PhilGEPS.

Tinanong si Baste tungkol sa kanyang September 21 statement kung saan sinabi niyang ang GenCorp ay “rigorously evaluated” at nakapagsumite ng pinakamababang calculated at responsive bid sa mga food service contracts mula 2022 hanggang 2025.

Nang tanungin kung personal niyang napatunayang natugunan ng GenCorp ang requirement na limang taon nang operational ang line of business nito, sinabi niyang hindi niya alam at kailangang tingnan ang records ng lungsod. Dagdag pa niya, “It is presumed that GenCorp has complied.”

Sinabi ni Davao City Mayor Baste Duterte na hindi niya sana papayagan umano ang pag-award ng anumang kontrata sa GenCorp Industries Inc. kung alam niyang stockholder nito si Vice President Sara Duterte.

“I would not allow it,” ani Baste sa pagpapatuloy ng impeachment trial ngayong Martes, Setyembre 29.

Ito ay matapos tanungin ni presiding officer Chiz Escudero si Baste kung nakita niya ang SALN ng bise presidente. Sinabi rin ni Escudero na lumabas sa impeachment trial na idineklara ni Sara sa kanyang SALN na isa siyang stockholder ng GenCorp.

“Kung siya po ay stockholder ng GenCorp at nalalaman po ninyo, hindi niyo po papayagang ma-awardan ng anumang kontrata sa Davao, tama po ba?” tanong ni Escudero. (DARIS JOSE)