Alex Eala, nagtala ng mabilis na panalo sa kanyang debut sa 2026 Asian Games

MABILIS na pinataob ng Filipina tennis ace na si Alex Eala si Patcharin Cheapchandej ng Thailand sa opensa ng kanyang kampanya sa 2026 Aichi-Nagoya Asian Games sa score na 6-1, 6-0 ngayong araw sa Higashiyama Park Tennis Center sa Japan.

Hindi naging hadlang para kay Eala ang sunod-sunod na pagkaantala ng iskedyul at ang paglilipat ng pasilidad dulot ng masamang panahon upang tapusin ang laban sa loob lamang ng 55 minuto.

Ipinakita ng 21-anyos na kampeon ang kanyang dominasyon nang magsunod-sunod ng walong panalo sa ikalawang set upang tuluyang maisara ang pwesto sa quarterfinals.

Inihayag ni Eala na sanay na siya sa mga hindi inaasahang pagbabago sa laro at kailangan lamang panatilihin ang kahandaan, pasensya, at flexibility sa anumang sitwasyon.

Nakatakdang harapin ng kinatawan ng Pilipinas si Joanna Garland ng Chinese Taipei sa round of 8 para sa kanyang susunod na tunggalian.