Jean Claude Saclag, pasok na sa finals ng 2026 Asian Games

ISANG panalo na lamang ang kailangan ni Cordillera pride Jean Claude Saclag upang makamit ang gintong medalya para sa Pilipinas matapos umabante sa finals ng Mixed martial arts men’s tradional 65kg sa 2026 Aichi-Nagoya Asian Games.

Sa semifinals na ginanap sa Nagoya Japan, ipinakita ni Saclag ang kanyang husay at determinasyon matapos dominahin ang laban kontra sa pambato ng Japan na si Daisuke Murayama.

Nagtapos ang laban sa 3-0 pabor kay Saclag na nagbigay sa kanya ng kumpiyansa at tiket patungo sa championship round. Sa kabila ng pakikipaglaban sa host country, nanatiling kalmado at kontrolado ng Filipino fighter ang kanyang performance.

Dahil sa panalong ito, may pagkakataon si Saclag na maiuwi ang pinakamataas na karangalan para sa Pilipinas sa pampalakasan na kanyang nilahukan. Bitbit niya sa finals ang hangaring ituloy ang kanyang kampanya para sa gintong medalya.

Ngayon, nakatuon na ang atensyon ni Saclag sa kanyang huling laban sa torneo.