Nakakasang kilos protesta, hindi dapat maging marahas at may masaktan -Malakanyang 

SINABI ng Malakanyang na hindi kailangang maging marahas o may pananakit ang mga nakakasang kilos protesta ngayong araw, September 21.

Ito ang inihayag ni Palace Press Officer Undersecretary Claire Castro sa harap ng mga pagkilos na inaasahan.

Ani Castro, malayang makapagpapahayag ang ibat- ibang grupo ng kanilang sentimyento at hindi naman aniya sila pipigilan sa pagsasabi ng kanilang saloobin.

Sana lamang aniya ay wala ng karahasan pang mangyari lalot bukas naman ang pakinig ng pamahalaan pati na si Pangulong Ferdinand R. Marcos Jr. sa mga panawagan ng mga magsasagawa ng kilos protesta.

Sa kabilang dako, siniguro ng Malakanyang na handa ang hanay ng PNP para bantayan ang mga rally site at masiguro na magiging mapayapa ang mga inaasahang demonstrasyon ngayong araw.

 (DARIS JOSE)