Pilipinas napiling mag-host ng last window ng FIBA World Cup Asian Qualifiers

NAPILI ang Pilipinas para maging host ng pang-huling window ng FIBA World Cup Asian Qualifiers.

Matapos ang hosting ng bansa nitong Window 4 kontra Jordan at Iran noong Agosto 28 at 30 ay muling magbabalik ang laro dito sa bansa.

Unang gaganapin ang Window 5 sa Malaysia sa buwan ng Nobyembre.

Makakaharap ng Gilas Pilipinas ang Syria sa Nobyembre 27 habang makakaharap muli nila ang Iran sa Nobyembre 30.

Sa darating naman na Window 6 ay gaganapin sa Pebrereo 25,2027 kung saan muling makakaharap ng Gilas Pilipinas ang Jordan at sa Pebrero 28 naman ay makakaharap ng Gilas Pilipinas ang Syria.

Wala pang napiling lugar kung saan sa bansa gaganapin ang laro.

Nasa Group E ang Pilipinas na mayroong apat na panalo at apat na talo habang nangunguna sa grupo ang Australia na mayroong walong panalo at wala pang talo, sinundan ito ng New Zealand may anim na panalo at dalawang talo habang ang Iran at Jordan ay kapwa mayroong limang panalo at tatlong talo at panghuli sa puwesto ang Syria na mayroong dalawang panalo at anim na talo.

Sa Group F naman ay nanguna ang Japan at Lebanon na kapwa mayroong anim na panalo at dalawang talo, sinundan ng China na mayroong limang panalo at tatlong talo, South Korea at Qatar na kapwa mayroong apat na panalo at apat na talo at panghuli ang Saudi Arabia na mayroong tatlong panalo at limang talo.