Eala at Yulo bumandera sa mga atleta ng bansa na sasabak sa Asian Games

BUMANDERA sina Pinay tennis star Alex Eala at Carlos Yulo sa mga atleta na sasabak sa 20th Asian Games sa Aichi-Nagoya, Japan.

Nitong Lunes, Setyembre 7 ay pormal ng isinumite ng Philippine Olympic Committee (POC) ang buong listahan ng mga atleta na sasabak sa nasabing torneo.

Paborito kasing manalo ng gintong medalya sina Eala at Yulo sa kani-kanilang mga paboritong sporting event.

Nagpasya umano si Eala na hindi muna maglaro sa China Open WTA 1000 para irepresenta ang bansa sa Asian Games.

Sa nagdaang tatlong taon ay nagwagi si Eala ng dalawang bronze medals, isa sa singles at mixed doubles.

Habang si Yulo na Olympic artistic champion ay tangka ring makakuha ng unang gintong medalya sa Asian Games matapos na magwagi ito sa Asian Championship noong Hunyo sa Zunyi, China.

Ilan sa mga atleta na sasabak ay kinabibilangan ni Annie Ramirez para sa jiu-jitsu, EJ Obiena para sa pole vault, Daniel Caluag para sa BMX competition at ang Gilas Pilipinas men’s basketball team.

Kasama rin ang Alas Pilipinas women’s at men’s volleyball team at mga golfers na sina Bianc Pagdanganan at Pauline Del Rosario.