Mga batang Pinoy Karatekas na nagbigay karangalan sa bansa 

BINIGYAN papuri ni Senador Bam Aquino ang mga batang Pinoy Karatekas na bumida at naghatid ng karangalan sa bansa mula sa Tsina.

Ito’y matapos ang naganap na 3rd Asian Karate Youth Open Championship and Training Camp sa Hangzhou, China noong Hulyo 2026.

Sa Senate Resolution No. 580 na inihain ni Sen. Bam Aquino, kinilala ang kahanga-hangang ‘performance’ ng delegasyon ng Pilipinas.

Kabilang sa mga kinilala ay ang 9-anyos na si Romeo Viktor Enriquez, nagkamit ng gintong medalya at nagtapos sa Top 5 ng Under-10 Male Kata category.

Nakamit naman ng 13-anyos na si Raphael Mariano Herrera, kakampi ni Enriquez, ang ikalawang sunod na bronze medal sa Under-14 Male Kata, habang Top 5 ng Under-12 Female Kata at Top 7 ng Under-12 Female Kumite naman si Ripley Tate Borromeo.

Ayon kay Sen. Bam, nakatutulong ang karate sa paghubog ng disiplina, tiyaga, pagpapakumbaba, katatagan at tiwala sa sarili ng mga kabataang Pinoy, kasabay sa pagkakataon magtagumpay sa ‘international events’.