Maganda man o hindi ang nangyayari sa buhay niya…VICE GANDA, every day na humihingi ng another chance kay LORD (ni: ROHN ROMULO) 

PINAG-USAPAN nga last week ang newest title ni Vice Ganda bilang “Queen of All Networks” na ipinagkaloob sa kanya matapos pumirma ng two-year contract sa MediaQuest Holdings ni Manny V. Pangilinan.Maraming nag-agree at meron ding nagtaas ng kilay na nagsabing wala pa raw karapatan ang Asia’s Unkabogable Phenomenal Box-office Star na bigyang ng titulong reyna ng TV networks.

At sa naganap na announcement ng phenomenal partnership ni Vice at ng kumpanya ni MVP, natanong ang TV host-comedian kung anong feeling na may bago na naman siyang titulo.

“Wala rin namang bearing yung mga title-title na ganyan, e,” natatawang sagot niya.

“Ganu’n din naman ang bayad. Wala namang, ‘O, dalawa na yung title mo, dalawa na ang bayad ko’, wala namang ganu’n!” 

“But honestly, siyempre, nakakakilig yun. Ang plastik naman kapag sinabi mong wala naman ‘yan. Meron ‘yan. Nakakakilig ‘yun, nakaka-flatter ‘yan nang malala kasi siyempre, bina-validate niya yung mga nagawa mo, yung body of works mo, di ba?” 

Dagdag pa niya, “So, may nakakapansin ng ibinibigay mo at may nakaka-appreciate kaya nagbibigay din sila ng ganu’ng title at nakakakilig yun, no!” aniya pa.

Natanong din si Vice kung ano aabangan o aasahan ng mga manonood sa naturang pagsasanib-puwersa.

“I want them to expect, I want also to expect,” pananaw niya.

“With audience I want to expect a pasabog na projects. Hello, andami niyong pera, dapat pasabog talaga tayo, Sir MVP!

“Di ba, parang magtataka ang mga tao, ‘Andami namang pera, bakit parang tipid yung production?’ Yung ganun.”

Lahad pa niya, “Kidding aside, mag-expect sila ng same thing, di ba? Ano yung gusto ninyo sa akin, anong hinahanap ninyo?

“You need laughter everyday, to help you through the day. You need to laugh, to escape every now and then — I will give that to you, with the help and support of MediaQuest.”

May gusto pa ba siyang ma-achieve, sa rami nang magagandang kaganapan sa kanyang career?

“I just wanna continue. I just want to continue enjoying the things that I have been doing. I just wanna continue creating content, doing movies, doing TV. 

“Gusto ko lang masaya, gusto ko lang GV-GV (good vibes).

“Kasi parang masaya naman ang life. Ang gusto ko na lang ay magpatuloy. ‘Yun, magpatuloy lang siya at yung hindi ka magkakasakit,” tugon pa ni Vice.At sa kabila nito, ano pa ipinagdarasal niya ngayon? “I always pray for another chance every day. ‘Lord, pahingi pa ng isang chance.’ Di ba, pag maganda yung nangyayari, ‘Lord, thank you, pahingi pa ng isang chance.’

“Kapag hindi naman maganda yung nangyayari, ‘Lord, thank you! Penge pa ng isang chance.’ ‘Yun lang naman, kasi lahat naman tayo matitigok in the future, di ba? Pero siyempre, ayaw nating agad. 

“Kaya, ‘Lord, thank you, pahingi pa ng isang chance.’ Every day, another chance, I just ask for another chance, ganu’n lang,” seryosong tsika pa ni Vice Ganda.