Online game na GoreBox, blocked na sa Pinas – DICT

HINDI na ma-access sa bansa ang online game na GoreBox matapos mabigong tugunan ng developer ang mga pangamba hinggil sa masamang epekto nito.

Ayon kay DICT Secretary Henry Aguda, nakipag-ugnayan ang kanilang tanggapan sa developer ng laro at binigyan ito ng due process. Nagbigay umano sila ng notice at ebidensya na nakakasama ang platform, at humingi ng plano kung paano maiiwasan ang masamang epekto ng laro.

“Hindi sila nakapag-responde. Kaya sila mismo, voluntarily, nagsabi: ‘Sige, pwede n’yo na kaming tanggalin, pwede n’yo na kaming i-block.’ So mutually agreed ‘yun. Hindi po yun unilateral,” pahayag ni Aguda sa Super Radyo dzBB.

Noong Hunyo ay pansamantalang na-ban ng Cybercrime Investigation and Coordinating Center (CICC) ang GoreBox matapos maiugnay ito sa isang school shooting sa Tacloban City.

Sa naturang insidente noong Hunyo 22 sa San Jose National High School, tatlo ang nasawi at 20 iba pa ang nasugatan.