Kasunod ng pamamaril sa Ateneo de Zamboanga…Mas mahigpit na batas sa loose firearms, itinutulak ni Remulla

HINILING ni Interior Secretary Jonvic Remulla sa Kongreso nitong Miyerkules, Agosto 19, na i-repeal ang Republic Act No. 8294 o “Robin Padilla law” at gawing non-bailable ang possession ng loose firearms.

Ayon kay Remulla, nagdulot umano ng pagtaas ng krimen ang batas dahil naging bailable offense ang possession ng loose firearms.

Kasunod ito ng pamamaril sa Ateneo de Zamboanga kung saan dalawang katao ang nasawi at siyam ang nasugatan.

Pinuna rin ni Remulla ang umano’y mababang parusa sa mga gun owner na napapabayaan ang kanilang mga baril hanggang magamit ito ng mga menor de edad.

Sinabi ng kalihim na 98% ng mga krimen sa bansa ay gumagamit umano ng loose firearms at panahon na para managot ang mga may-ari ng naturang mga baril. 

(DARIS JOSE)