‘Born to Shine’, patuloy na sinusubaybayan…ZEPHANIE at OLIVE MAY, may bagong isyung haharapin (ni: ROMMEL GONZALES) 

PATULOY ngang sinusubaybayan ang hit GMA Afternoon Prime series na “Born to Shine.”

Bukod sa mataas na ratings at online views, lagi ring nakatatanggap ng positive feedback mula sa viewers ang programa. 

Komento ng ilang netizens sa GMA Network YouTube channel, “Ganda talaga ng Born to Shine. Lagi kong inaabangan ‘to ang galing ng mga artista. Nakakadala ang emosyon. 

“Tuwang-tuwa rin ako sa grupo nila ang gandang panoorin kapag nagpe-perform sila.”

Samantala, nangangambang magkalamat muli ang gumagandang relasyon nina Jeni (Zephanie) at Megan (Olive May). Mabibisto na ba ni Megan na half-sister niya si Jeni? Kanino mapupunta ang loyalty ni Megan? Sa sarili niyang ina o sa Yumi, ang grupong napapamahal na sa kanya?

Subaybayan ang “Born to Shine” mula Lunes hanggang Sabado, 2:30 p.m. sa GMA-7 at Kapuso Stream.

***

Chariz at Buboy, may chika sa politika

SAPAT bang dahilan ang politika para mag-friendship over? 

Iyan ang pag-uusapan nina Chariz Solomon at Buboy Villar sa trending vodcast ng GMA na “Your Honor.”

Makakasama nila bilang resource persons ang magbarkadang sina Inah Evans at Krissy Achino. Chika nilang dalawa, super solid ang kanilang friendship. Tipong magkasamang mag-ibig sa bar, magsapakan sa gabi, tapos besties ulit pagdating ng umaga. 

Pero may isang bagay raw na pwedeng sumubok sa kanilang samahan, ang politika.  Sey ni Inah, kapag nangurakot si Kagawad Chino, may totoong sapak siyang aabutin!

Abangan ang episode na “In aid of unfriending: FO dahil sa politika?” Mapapanood ang “Your Honor” tuwing Sabado, 8:15 p.m. sa YouLOL YouTube channel. 

Available rin ang hearing sessions sa Your Honor Spotify at Apple Podcasts.