Ka-join sina Joshua at Anne sa ‘Outstanding Asian Star’…DINGDONG, nominated sa ‘21st Seoul International Drama Awards’ (ni: ROHN ROMULO) 

PASOK si Dingdong Dantes kasama sina Joshua Garcia at Anne Curtis sa mga Filipino actors na nominado sa kategoryang Outstanding Asian Star ng ’21st Seoul International Drama Awards’.

Gaganapin ang awards night sa October 8, 2026 sa KBS Hall, Seoul, South Korea. 

Pagpaparangal ito sa mga aktres at aktor mula sa South Korea, China, Japan, Singapore, Thailand, at Pilipinas na may malaking impluwensiya at malakas na epekto sa publiko sa taong 2025 ang Outstanding Asian Star Award.

Ayon kay Chairman Moon-shin Bang ng Seoul Drama Awards Organizing Committee at TNK Factory, nagsimula na noong Lunes, Hunyo 15, at magtatagal hanggang Hulyo 14 ang pagboto para sa Outstanding Asian Star sa pamamagitan ng global voting platform na IDOLCHAMP.Samantala, hindi ito first time na ma-recognize ang multi-awarded actor-host sa naturang prestigious award-giving body.  Noong 2020, nasungkit ni Dingdong ang Asian Star Prize sa 15th Seoul International Drama Awards sa para PH adaptation ng ‘Descendants of the Sun’.Busy ngayon si Dingdong sa shooting ng upcoming movie nila ni Marian Rivera na ‘Remember’ at patuloy na napapanood ang top-rating na GMA Prime series na ’The Master Cutter’.Congrats Dong!

***

Tiket sa ‘Puregold OPM Con Generations 2026’, sold out na!

Opisyal na: sold out na ang Puregold OPM Con Generations 2026!

Sa rami ng mga tagasuportang nag-agawan para makakuha ng mga inaabangang tiket para sa ikatlong edisyon ng OPM Con, inaasahang punong-puno ang Araneta Coliseum sa itinakdang petsa sa Hulyo 11. 

Patunay lamang ang napakalaking kahingian para sa mga tiket sa masugid na pagtangkilik ng mga tampok na artista ng OPM Con 2026—ang SB19, Ben&Ben, Alamat, Flow G, Skusta Clee, SunKissed Lola, G22, KAIA, at Xonara—pagsasama-sama ng ilan sa mga pinakasikat na musikero sa bansa na hindi dapat palampasin.

“Selling out our third OPM Con in two days is another huge milestone for Puregold,” ani ni Ivy Hayagan-Piedad, Senior Marketing Manager ng Puregold. 

“Our artists are not just performers; they provide the soundtrack to everyday moments, milestones, and memories. Puregold OPM Con 2026 brings those shared experiences together in one space, creating a celebration that belongs to both the artists and the fans.”

Sa OPM Con Generations 2026 ang kauna-unahang pagkakataon na naubos ang lahat ng tiket sa loob lamang ng dalawang araw. Upang makuha ang kanilang mga tiket, nagpalipas ng magdamag at maagang pumila ang mga sa mga kalahok na tindahan o branch ng Puregold, habang namimili ng mga groseri na katumbas ng halaga ng kanilang napiling seksyon ng upuan o ticket tier. 

Dagdag na biyaya ang OPM Con 2026 para sa mga tapat na mamimili, dahil natanggap nila ang tiket nang walang karagdagang bayad, bukod sa kanilang mga pinamiling pang-araw-araw na pangangailangan.

Ngayong ubos na ang lahat ng upuan, lalo pang tumitindi ang pananabik ng mga tagahangang nakakuha ng kanilang puwesto sa Araneta Coliseum, kung saan nakatakdang ihatid ng Puregold ang isang gabing tiyak na mananatili sa alaala ng lahat sa Hulyo 11.