Casualties, pinsala iniulat kasunod ng magnitude 7.8 earthquake sa Mindanao —OCD

KAAGAD na iniulat ang casualties at damage to properties matapos ang magnitude 7.8 earthquake sa Mindanao, Lunes ng umaga.

Ayon kay Office of Civil Defense (OCD) deputy spokesperson Diego Mariano, minonitor at validate ang mga casualty.

“However, no official reports as of reporting time,” ani Mariano.

“There were reports of major damage in various infrastructures,” aniya pa rin

Iniulat din ang power supply interruptions at communications issues.

Ang mas pinaka-apektadong rehiyon ay ang Soccsksargen, Davao Region, Zamboanga Peninsula, at Bangsamoro Autonomous Region in Muslim Mindanao

Nagpapatuloy naman ang paglilikas sa mga apektadong coastal area.

Pinayuhan naman ang publiko na umiwas na bumalik at pumasok sa kani-kanilang bahay lalo na’t mayroong tanda ng pinsala, high-rise buildings, at banta ng aftershocks.

“Rescue units of uniformed services are for deployment anytime. Also, Local Disaster Risk Reduction and Management Offices are directed to supervise the response in their respective areas,” ayon kay Mariano.

Itinaas naman ang “full” at “red” alerts sa Operations Center, National Inter-Agency Coordinating Cell, Response Clusters, and Agencies

Inaasahan naman na bibisitahin ng mga opisyal ng OCD at Department of National Defense (DND) ang mga apektadong lugar sa Mindanao.

May ilang residente sa General Santos City ang nag-ulat ng pinsala sa loob ng kanilang bahay, bumagsak na mga appliances, televisions, cabinets, computers, at iba pang household items nang tumama ang malakas na pagyanig.

Napinsala rin ang simbahan at gusali kung saan mayroong fast food chain.

Bumagsak naman ang power supply sa ilang bahagi ng lungsod, habang may ilang lugar naman ang nakaranas ng water service disruptions.

Naapektuhan din ang mobile at internet signals.

May ilang motorsiklo naman ang natumba.

Ayon sa ulat, may ilang istraktura ang nakitang umuga habang may bahagi ng imprastraktura ang apektado ng lindol sa Davao City.

Sa Davao City National High School, may ilang estudyante naman ang napaulat na nahimatay sa gitna ng panic dahil sa lindol.

Samantala, nag-anunsyo naman ang lokal na pamahalaan ng suspensyon ng klase sa umaga at trabaho sa tanggapan ng gobyerno para masiguro ang kaligtasan ng publiko habang nagsasagawa ng assessment.

Naramdaman naman ang matinding daloy ng trapiko sa lansangan.

Sa kabilang dako, ibinahagi ng Philippine Red Cross ang larawan ng napinsalang istraktura sa KCC Mall.

May kabuuang 17 Red Cross volunteers ang aktibo, habang kaagad namang dineploy ang mga ambulansiya sa North Cotabato, South Cotabato, at Gingoog City para tumulong sa mga apektadong komunidad.

Sa North Cotabato National High School, nagbigay ng tulong ang mga responders sa apat na estudyante na nakaranas ng hyperventilation kasunod ng malakas na lindol.

Mino-monitor naman ng Philippine Red Cross ang mga ospital at komunidad sa mga apektadong lugar.

“The Philippine Red Cross continues to assess the situation and remains ready to provide immediate humanitarian assistance should the need arise,” ayon sa organisasyon. (DARIS JOSE)