Matapos ang malakas na lindol sa Gen San…MAYNILA, NAKA-HIGH ALERT STATUS

NAGTAAS ng High Alert Status ang Pamahalaang Lungsod ng Maynila bilang precautionary and preparedness measure matapos ang malakas na lindol sa General Santos City.

Sinabi ni Manila Mayor Francisco Isko Moreno Domagoso na bahagi ito ng nakagawiang paghahanda ng Manila LGU tuwing may malakas na lindol sa bansa, kahit malayo sa NCR. Inatasan ang din ng alkalde ang MCDRRMD na maghanda sakaling kailanganing magpadala ng response team sa GenSan at iba pang lugar na naapektuhan ng lindol.

Kasabay nito, ipinag-utos rin ni Mayor Isko ang agarang inspeksyon at monitoring sa mga lumang gusali, pampublikong paaralan, government buildings, at iba pang kritikal na pasilidad sa Maynila upang matiyak na ligtas ang mga ito sakaling magkaroon ng pagyanig.

Layunin nito na masiguro na handa, alerto, at nakaantabay ang lungsod para sa kaligtasan ng publiko. (Gene Adsuara)