Umabot sa mahigit 4,000 runners ang sumali:ALDEN at BARBIE, pinangunahan ang kauna-unahang ‘Sparkle Run’ (ni: ROMMEL GONZALES) 

IBA rin ang disiplina sa katawan ng karamihan sa mga artists ng Sparkle GMA Artist Center.

Kahit busy sila sa mga ganap sa kani-kanilang showbiz career ay kineri nila na gumising ng pagkaaga-aga para sumali sa kauna-unahang Sparkle Run.

Kaya naman hindi nakakagulat na ang mga sumali, bukod sa mga artista ay members ng media, executives at empleyado ng GMA at mga fans ay umabot sa mahigit 4,000 runners.

Sa Chika Minute report ni Nelson Canlas sa 24 Oras Weekend ay sinabing sanib-puwersa sa event ang Sparkle GMA Artist Center, City of Manila at Runrio.

Ilan sa mga lumahok ay sina Alden Richards, Barbie Forteza, David Licauco, Kim Ji Soo, Sofia Pablo, Mikee Quintos, Allen Ansay, Royce Cabrera, ang GMA News reporters at anchors na sina Raffy Tima, Mariz Umali, at Aubrey Carampel.

“Ano siya e, it’s very grounding and parang it’s also my escape from reality and time to think, time to be with myself, ‘yung walang ibang iniisip, yung distance mo lang, yung pace mo lang, yung kakainin mo lang after,” pahayag ni Barbie.

“Ngayon marami nang factors tayo sa buhay na minsan nagiging distracted tayo in our everyday life but I think fitness must not be compromised,” saad naman ni Alden.

Nag-share naman ang ibang Sparkle Stars ng kanilang basic necessities sa kanilang pagtakbo.

“I just wanna listen to music… I usually listen to mga motivational stuff,” sabi ni David.

“Gusto ko ng mga EDM, para upper,” kuwento naman ni Martin Del Rosario.

“Maybe upbeat music so I can run faster,” ani Kim Ji Soo.

“Hindi mawawala yung water. Tubig talaga,” sabi ni Allen.

“Cap. Kasi bukang liwayway na mamaya. Like madilim pa now pero later, tirik na yung araw,” sabi ni Lexi Gonzales.

“Lippie. Kasi siyempre we’re running, di ba? Dapat fresh pa rin,” sabi ni Cheska Fausto.

“Para yung lips namin hindi magda-dry,” pagsegundo ni Charlie Fleming.

“Cellphone and car keys para after the run, pwede akong mag-selfie,” sabi ni Gil Cuerva.

“Actually, I have here a bag. Kung umaraw na meron tayong sunglasses, tapos meron tayong energy gel,” sabi ni Anthony Rosaldo.

“Handheld fan. Kasi hiluhin talaga ako sa init,” sabi naman ni Sofia Pablo.

Dumating rin para makisaya sina Gabbi Garcia, Max Collins, Josh Ford, Will Ashley, AC Martinez at Dingdong Dantes.

“Congratulations sa first ever Sparkle Run. Ang saya talaga just bringing everybody together, lahat ng mga Kapuso artists natin. Sama-sama para sa isang healthy activity.

“The best,” sabi ni Dingdong.

Ayon naman sa pahayag ni First Vice President for Sparkle GMA Artist Center Joy Marcelo…

“Ang dami sa kanila na iyon na talaga ‘yung ginagawa. Every weekend, halos like sila Barbie, every weekend iyan nagdyu-join ng run.

“So why not do one of our own? It’s for awakening them, the other artists also, pati yung mga netizens na maging health conscious, running is a way of life.”