43 KILOGRAMS NG SHABU NAHARANG SA MANILA INTERNATIONAL CONTAINER PORT

MATAGUMPAY na naharang ng mga anti-drugs operatives ang humigit-kumulang 43 kilo ng pinaghihinalaang methamphetamine hydrochloride, o mas kilala sa tawag na shabu, sa isang coordinated seaport interdiction operation sa Manila International Container Port (MICP) sa Tondo, Manila noong Lunes, Mayo 25, 2026, bandang 3:40 ng hapon.

Ang operasyon ay isinagawa ng mga operatiba at tauhan mula sa Philippine Drug Enforcement Agency (PDEA) Intelligence Service; Regional Office–National Capital Region (RO-NCR); International Cooperation and Foreign Affairs Service (ICFAS); at Legal and Prosecution Service (LPS), sa pakikipagtulungan ng Bureau of Customs Enforcement and Security Service (ESS) at Customs Anti-Illegal Drugs Task Force (CAIDTF).

Narekober ng mga awtoridad ang kabuuang 129 na parihabang pakete na naglalaman ng pinaghihinalaang shabu na may bigat na humigit-kumulang 43 kilo, na tinatayang aabot sa halagang ₱292.4 milyon.

Ang nakumpiskang kargamento ay kasalukuyang sumasailalim sa masusing imbestigasyon upang matukoy ang pinagmulan nito, mga tatanggap nito, at posibleng kaugnayan sa local at international drug trafficking networks.

“This successful interdiction highlights the unwavering commitment of our law enforcement agencies to protect the country’s borders from the entry of illegal drugs,” sabi ni PDEA Director General Undersecretary Isagani R. Nerez.”

“Through strengthened inter-agency cooperation and intensified intelligence operations, we will continue to pursue and dismantle drug trafficking syndicates that threaten the safety and welfare of our communities.” dagdag pa ni PDEA DG Nerez.

Ang mga daungan ng bansa ay nananatiling mahigpit na sinusubaybayan habang patuloy na pinapahusay ng gobyerno ang kakayahan nito sa pagpapatupad laban sa mga ilegal na aktibidad ng droga. Ipinapakita ng operasyon ang bisa ng matibay na koordinasyon sa mga partner agencies sa pagprotekta sa bansa mula sa pagiging koridor ng trafficking ng droga.

Tiniyak ng mga awtoridad sa publiko na ang case build-up operations and profiling activities ay nagpapatuloy bilang paghahanda sa pagsasampa ng mga kaukulang kaso laban sa mga indibidwal na sangkot sa tangkang pagpapadala ng mga ilegal na droga. (PAUL JOHN REYES)