Tunay Lingkod-Bayan ng Brgy. 143 ng Caloocan City si Kap. Randy B. Mariano!

     MATAGAL na sa serbisyo publiko ang masipag na si Kapitan Randy B. Mariano, katunayan iba’t ibang posisyon ang kanyang nahawakan bago maging Kapitan. Kaya naman, pagdating sa public service ay ‘di na bago sa kanya ang pamamalakad. Ngayon, sa kanyang pagkakaupo bilang 

“Ama” ng kanilang Barangay ay agad niyang pinalinis at pinaayos ang paligid ng kanilang komunidad. Lalo na pagdating sa mga pangunahing pangangailangan tulad ng Brgy. Hall, CCTV para ma-monitor ang galawan ng mga nasasakupan lalo na ang mga may masamang binabalak at pa-ilaw sa kalsada nang maiwasan ang anumang masamang kaganapan sa paligid. 

Bumili rin ang mabait na Kap. Randy ng mga service vehicle para magamit sakaling may emergency sa kanyang nasasakupan, fire extinguishers para sa dagliang pag-apula ng apoy sakaling may sunog. Nagkaroon din sila Kap ng weekly clean-up drive kasama ang kanyang mga staff at kagawad. Higit sa lahat, pinangunahan din ng masipag na Kap. Mariano ang de-clogging paglilinis sa mga estero lalo na ngayong tag-ulan gayundin ang kanilang Clean & Green sa kanilang lugar tulad ng ” HAPAG”, initiated by DILG at tinawag nilang “Programang Pangkalusugan!” para sa kanyang mga kababayan lalo na sa mga kabataan. Sa kasalukuyan ay naghahanda na rin sila ng mga school supplies para sa kanilang mga estudyante ngayong darating na pasukan. Mayroon din silang feeding program para sa mga kabataan. Sa mga senior citizens naman, hindi sila pinababayaan ng mapagmahal na Kap. Mariano dahil lagi itong may gamot na nakalaan para sa kanila at may mga regalo pa sila sa kanilang kaarawan bukod pa sa regalo ni Mayor Malapitan sa kanila. Kaya kung ika’y mapapagawi sa kanilang barangay bukod sa kalinisan mapayapa pa ang kanilang komunidad.

” Ako po’y labis nagpapasalamat sa aming mahal na Mayor Along Malapitan sa kanyang mga kabutihang ipinagkaloob niya sa aming lugar,” dagdag pa ng masipag na Kap. Randy B. Mariano! ( Sonny Asignacion)