Titiyakin ng NBI na maibibigay ang naaayon na pananagutan sa harap ng batas

     SA ISANG pakikipanayam sa mga mamamahayag pagkatapos ng ginanap na Saturday News Forum sa Scout Borromeo, makikitang nakangiti at puno ng kumpyansa si NBI Director Atty. Melvin Matibag habang ibinabahagi ang mga masusing hakbang at operasyong inihahanda ng ahensya upang matunton at madakip si Senador Ronald “Bato” de la Rosa. 

Opisyal na itinuturing na takas sa katarungan si Senador de la Rosa matapos niyang umiwas at hindi sumuko sa utos ng pagdakip na inilabas ng International Criminal Court (ICC) kaugnay ng mga kasong krimen laban sa sangkatauhan na ibinibintang sa kanya dulot ng mga pangyayari noong nakaraang kampanya kontra-droga. 

Ayon kay Matibag, wala nang pabor o espesyal na pagtingin ang ibibigay sa sinuman, at titiyakin ng NBI na maibibigay ang naaayon na pananagutan sa harap ng batas, anuman ang katungkulan o posisyon ng sinumang sangkot.” (BOY MORALES SR.)