Ipinagmalaki ang new sexy movie sa VMX… MARGARET, aminadong nagpaka-daring sa ginawang intimate scenes

AMINADO ang sexy actress na si Margaret Diaz na ang latest VMX movie niya titled “Barurot 2” ang most daring na nagawa niya.

Pahayag ni Margaret, “I would say po na talagang umalis po ako sa comfort zone ko. Kasi, kung sa mga naunang movies ko po ay wild ang napanood sa akin, siguro mas wild na wild po si Maya rito, yung character ko po sa movie.

“Kasi, hindi ko ine-expect na magiging ganoon ka-wild iyong mga intimate scenes na gagawin ko rito. Talagang hindi siya komportable, pero it’s something new na ginawa ko… na mapapanood po ninyo sa movie na ito,” nakangiting sambit pa ng magandang aktres na alaga ni Ms. Len Carrillo.

Tampok sa ‘Barurot 2’ sina Margaret, JC Tan, Aerol Carmelo, at iba pa. Ito’y sa pamamahala ni direk Quiel Dela Cruz.

Dagdag pa ng dalaga, “Sina direk po – sina Direk Roman (Perez Jr.) at direk Quiel Dela Cruz, sa movie po na ginawa namin ngayon, talagang inalis po nila ako sa comfort zone ko.

“Hindi ko talaga ine-expect na ganoon kalala iyong mga love scene, pero nag-intimate pa rin po talaga. Pero talagang walang-wala iyong mga naipakita ko sa movie na ito, sa mga previous movies ko po.”

Nagbigay pa nang patikim si Margaret sa kanilang pelikula na streaming na ngayon, exclusively sa VMX PH.

Aniya, “Ang story po nito, about po kasi ito sa buhay ng mga tricycle drivers, like kung paano sila nai-in love po. And from the word barurot po, ayon po iyong harurot, in other term. Iyong barurot naman po, parang slang naman na parang may multiple partners po si Barurot King na si JC Tan, na nagpo-portray po sa character ni Marco.

“May drama at love story na mapapanood nila rito, iyon po ang story line ng movie. Hindi lang po mga intimate scenes ang aabangan nila sa movie namin, talagang na-execute ito nang maayos at maganda and exciting po yung mga characters po rito nina Maya, Ralph, at Marco, ang baruruot king.”

Sinegundahan naman ni Direk Roman ang pahayag ni Margaret.

Esplika niya, “By the way, ako lang po ang creator ng project, ang direktor po ay si Quiel Dela Cruz and pinagtulungan namin ang project para mabuo ito.

“Parang ito na ngayon ang pinakasagad, todohan na ito, kasi sabi ko nga, baka end of an era na. Baka dapat ay gumawa tayo ng isang wild at pinakamarami… kung ang mga love scenes sa previous Vivamax ay walo, sampu, dito ay 18, todo na talaga!

“Again, sinasabi ko na kapag nandito naman tayo, lagi tayong gumagawa nang ipu-push natin iyong limit. Kaya Barurot 2, kasi siyempre dapat higitan natin iyong Barurot 1. Higit sa lahat, napakahuhusay ng mga artistang ito, very professional.”

“Itong Barurot 2, napakalakas ng cast nito. Sa henerasyon ng Vivamax ngayon, sila yung solid na cast,” pakli pa ni Direk Roman.

(NONIE V. NICASIO)