QCitizens pinayuhan na magsuot ng face mask

PINAYUHAN ng lokal na pamahalaan ng Quezon City ang lahat ng QCitizens na lalabas ng bahay na magsuot ng face mask.

Ito ay reaksyon ng QC LGU hinggil sa pinaka-latest na Air Quality Index (AQI) na maraming bahagi ng lungsod ang “UNHEALTHY” at “VERY UNHEALTHY” ang kalidad ng hangin.

“Kung ‘di maiiwasan ang pag-alis, lalo na sa mga senior citizens, buntis, at may respiratory diseases tulad ng hika, huwag kalimutang magsuot ng face mask,” ayon sa abiso bg QCLGU.

Dulot nito patuloy na mino-monitor ng lokal na pamahalaan ang AQI para tiyaking informed at updated ang lahat ng QCitizens sa kalidad ng hangin sa lungsod.
Para sa karagdagang impormasyon tungkol sa AQI, maaaring makipag-ugnayan ang publiko sa Climate Change and Environmental Sustainability Department (CCESD).

Para sa health concerns tulad ng hirap sa paghinga, hika, at iba pa, maaaring tumawag sa City Health Department sa Tel. No. (02) 8929-8038 o tumawag sa QC Helpline 122 para sa iba pang agarang aksyon.