DOTr: Taas-pasahe sa PUVs, tiyak na

KINUMPIRMA ni Department of Transportation (DOTr) Secretary Giovanni Lopez na may nakaamba na ring taas-pasahe kasunod na rin nang pagtaas ng mga produktong petrolyo, na dulot ng lumalalang tensiyon sa Gitnang Silangan.

Ayon kay Lopez, naghain na ang Land Transportation Franchising and Regulatory Board (LTFRB) ng rekomendasyon sa DOTr hingil sa nakabinbing petisyon sa taas-pasahe.
Gayunman, ibinalik umano niya ito sa LTFRB kamakalawa upang i-recompute dahil tila hindi ito tugma.

“‘Mayroong nakabinbin na petisyon, the process usually is for the LTFRB to make a recommendation. They submitted a recommendation po sa DOTr, binalik ko po yesterday. Sabi ko you have to ­recompute your numbers, you have to recrunch your numbers, mukhang hindi tugma,” aniya.
Inaasahan naman ni Lopez na maisusumiteng muli ng LTFRB ang kanilang rekomendasyon hinggil sa taas-pasahe sa linggong ito.