Milyong pisong pangkabuhayan, ipinamahagi ng DOLE-Calabarzon
- Published on August 12, 2025
- by @peoplesbalita
NAMAHAGI nang mahigit sa P5 milyong tulong pangkabuhayan at emergency employment ang Department of Labor and Employment o (DOLE) CALABARZON.
Ayon sa DOLE, sa Calamba City, ang kabuuang P5.8 milyon ay ipinamahagi para sa sahod sa ilalim ng Tulong Panghanapbuhay sa Ating Disadvantaged Workers o TUPAD katuwang ang iba’t-ibang ahensya ng pamahalaan.
Sinabi ni DOLE CALABARZON Regional Director Atty. Erwin Aquino, simbolo ito ng pagtutulungan para sa iisang layunin—ang palakasin at bigyang-kapangyarihan ang mga komunidad.
Binigyang-diin din ni Officer-in-Charge Angelique Yaun na mahalaga ang pangmatagalang epekto sa kabuhayan at hindi lamang ang agarang tulong.
Patuloy na isinusulong ng DOLE ang whole-of-nation approach para sa mas inklusibo at matatag na kinabukasan ng bawat Pilipino. (Gene Adsuara)