‘Oplan Horus’ hoax pinaiimbestigahan, pinakakasuhan sa NBI

PORMAL na hiniling ng Lakas-Christian Muslim Democrats (Lakas-CMD) sa National Bureau of Investigation (NBI) na magsagawa ng malalim at malawakang imbestigasyon sa source at distribution network ng pinekeng dokumentong may lebelong “Oplan Horus.” nnSa liham na may petsang Abril 23, 2025, na naka-address kay NBI Director Jaime Santiago, nagpahayag ng matinding pangamba si Lakas-CMD Executive Director Anna Capella Velasco kaugnay sa “malicious and falsified” nature ng kumakalat na materyales.nnAng gawa-gawa umanong dokumento na may label na Oplan Horus, ay isinasangkot si House Majority Leader Rep. Manuel Jose “Mannix” M. Dalipe at may kasama pang pinekeng pirma.nn“This manufactured document was published in The Manila Times on 23 April 2025 and has since been widely disseminated on multiple social media platforms. It has caused significant reputational damage not only to the Office of the Majority Leader, but also to the House of Representatives and the Lakas-Christian Muslim Democrats,” ani Velasco. nnIginiit ni Velasco na ang naturang dokumento ay malinaw umanong “fraudulent and contains a forged signature purporting to be that of Rep. Dalipe.” nnMariin naman aniyang itinanggi ng House Majority Leader na may kinalaman siya sa naturang dokumento.nnNanawagan din ang partido sa NBI na imbestigahan ang pinanggalingan ng dionoktor na dokumento at magsampa ng kaso laban sa mga sangkot dito.nn“In light of this, we respectfully request… a full investigation to identify the individuals or groups responsible for the creation and distribution of the fabricated ‘Oplan Horus’ document,” nakasaad sa liham. (Vina de Guzman)