JENNYLYN, RURU at JILLIAN, magpapasaya sa selebrasyon ng Araw ng Dabaw’ ng GMA Regional TV

GINAGAWANG mas kapana-panabik at hindi malilimutan ng GMA Regional TV ang 87th Araw ng Dabaw dahil dadalhin nito ang pinakamalalaki at pinakamatingkad na Kapuso stars na napapanood ngayon sa mga teleserye.

Nakatakdang magpalaganap ng saya at pagmamahal ngayong Sabado (Marso 16) sa pamamagitan ng Kapuso Mall Show sa Gaisano Grand Citygate Mall sa Buhangin, Davao City sa ganap na 4 p.m. na pangungunahan ni Ultimate Star Jennylyn Mercado mula sa GMA Prime na “Love. Die. Repeat.”

Lalo pang nagpainit at nagpapasigla sa hapon ang mga artista ng Sparkle na sina Liezel Lopez at Martin del Rosario mula sa “Asawa ng Asawa Ko.”

Tuloy-tuloy ang saya at excitement kinabukasan (Marso 17) kasama ang Primetime Action Hero at “Black Rider” mismo Ruru Madrid at “Abot Kamay na Pangarap” actress and Star of the New Gen Jillian Ward, na banner sa Kapuso Fiesta at Ayala Malls Abreeza, Davao City alas-4 ng hapon.

Kasama nila sa pagpapalaganap ng positibo at youthful vibes ang kanilang mga co-star at co-Sparkle artist na sina Kim Perez at Raheel Bhyria.

Hindi dapat palampasin ng mga Kapusong Dabawenyo ang espesyal na pagtatanghal ng Sparkle artist at “Makiling” star na si Kristoffer Martin sa kanyang pagpapakilig sa Mutya ng Dabaw 2024 ngayong Biyernes (Marso 15) sa USEP Gymnasium and Cultural Center.

Nakatakdang pasiglahin ang karamihan sa kanyang kahusayan sa pagho-host ng GMA Synergy sportscaster at “24 Oras” Game Changer segment host na si Martin Javier.

“GMA Network, through GMA Regional TV, is organizing on-ground events in various regions to bring our programs and artists closer to Kapuso viewers and to express our gratitude for their continued support. We are thrilled to participate once again in the meaningful celebration of Araw ng Dabaw, featuring well-loved GMA stars such as Jennylyn, Liezel, Martin, Ruru, Jillian, Kim, and Raheel. They are equally excited to make this weekend extra colorful and memorable,” pahayag ni Senior Vice President and Head of GMA Integrated News, Regional TV, and Synergy Oliver Victor B. Amoroso.

(ROHN ROMULO)