Deadma pa rin sa isyu sa lovelife: SUNSHINE, hinangaan sa pagrampa na naka-two piece sa fashion show
- Published on March 13, 2024
- by @peoplesbalita
İSA si Donita Rose nagtataglay ng magandang mukha sa mga member ng programang “That’s Entertainment” noon ng namayapang German Moreno. Pero ayon pa sa aktres at TV host ay hindi man lang sumagı sa isip ng TV host-actress na maganda siya nung mga panahon na yun.
Basta ang nasa ısıpan niya ay naramdaman niyang kasiyahan dahil isa na nga siya sa mga pinalakpakan at hinangaang kabataan ng “That’s Entertainment”.
Kakaiba pa rin naman si Donita sa iba niyang mga kasamahang miyembro dahil lumaki siyang mahiyain at mababa ang self-confidence kahit na palagi siyang sinasabihan ng mga tao na mukha siyang manika.
Pero ngayon ayon pa rin kay Donita ay nawala raw lahat yun dahil na rin sa mga turo at mga natutunan niya sa mga nakasalamuha o nakasama niyang nasa mundo ng pelikula at telebisyon.
***
HANGGANG ngayon ay tikom at ayaw magkomento ni Sunshine Cruz tungkol sa isyung siya na raw ang bagong apple of the eye ng negosyanteng si Atong Ang.
Katwiran pa raw ni Sunshine ay hindi na siya bata para pag-usapan pa ang kanyang “lovelife” kung meron man.
Pati ang isyung nagseselos na raw kay Sunshine ang isang na involve romantically sa negosyante ay deadma pa rin siya.
Mahigpit na raw ang pagbabantay ng sinasabing girlfriend ni Atong Ang at pati pa rin daw mga lakad ni Sunshine ay inaalam raw nito.
At ang latest itinanggi na raw ni Atong ang tungkol sa panliligaw nito sa isa sa mga bagong endorser ng Bench clothing.
Ayon pa raw kay Atong ay may ibang girlfriend daw siya pero marami naman ang hindi naniniwala.
May nagsabi pang hindi raw mismo galing kay Atong Ang ang pahayag na yun. So alam na natin kung kanino galing yun, huh!
Well, anyway marami ang napahanga sa pagrampa ni Sunshine na naka-two piece sa Bench Fashion Week.
At 46 na may tatlong equally beautiful daughters ay nagpasalamat si Sunshine dahil sa tiwalang ibinigay sa kanya ng Bench.
***
MAGKASAMANG um-attend sa 2024 Asian Film Awards sina Janella Salvador at Win Metawin na ginanap sa Hong Kong.
Sa napanood naming video ay pinalakpakan at tinitian nang husto ng mga fans ang dalawa sa red carpet premiere ng nabanggit na showbiz event.
Part marahil ng promo ng pelikula nilang “Under Parallel Skies” ang pangyayari ng yun.
Isang Irish na overseas Filipino worker si Janella sa naturang movie na nakatakdang ipapalabas sa darating na April 17.
Ngayon pa lang nakapareha ni Janella ang Thai superstar at ito rin ang first international film ni Win Metawin.
(JIMI C. ESCALA)