El Niño pinaghahandaan na ng DOH

Maagang naghahanda ngayon ang Department of Health (DOH) sa inaasahang pagdating ng El Niño na maaaring magdulot muli ng iba’t ibang uri ng sakit o outbreaks sa iba’t ibang panig ng bansa.

Isang “El Niño Summit” ang isinagawa kamakailan ng DOH kung saan pinulong na ang kanilang mga Medical Center Chiefs, Chiefs of Hospitals, Regional Directors and Assistant Regional Directors, at central office Bureau Directors, at Executive Committee members.

Nais ng DOH na maitugma ang kani-kanilang mga nasyunal at lokal na istratehiya at plano sa pag-aksyon upang mabawasan ang negatibong epekto ng El Niño.

Iprinisinta ng Department of Science and Technology-PAGASA ang kasalukuyang status ng El Niño gamit ang 2024 Heat Map.

Tinalakay rin ng mga eksperto ang mga sakit na maaring idulot ng matin­ding init at mga magi­ging senaryo kapag nagkaroon ng kakapusan sa tubig, ­enerhiya, pagkain at pagkalat ng mga sakit na ­maaring kaharapin ng mga pagamutan.

Ang El Niño at ang kabaligtaran na La Niña ay mga paulit-ulit na “climate pattern” na tinatawag ng mga siyentipiko na El Niño-Southern Oscillation (ENSO).

Sa kanilang pagtataya, patuloy na lumalala ang ENSO at umakyat ng 10% mula noong 1960 dahil sa naobserbahan na pagtaas ng “greenhouse gas” sa atmosphere.