P 1.5 SMUGGLED SIGARILYO, NASABAT NG COAST GUARD

NASABAT ng Phililippine Coast Guard (PCG) ang tinatayang  P1.5 milyong halaga ng smuggled na sigarilyo sa baybayin ng Bangas Island at Jolo Island sa Sulu.

Ayon sa PCG, inaresto rin ang tatlong crew na sakay ng “junkong” type motorbanca nang magsagawa ng regular na coastal security  patrol ang Coast Guard Station  Sulu.

Hindi umano nakapagpakita ng dokumento ang mga crew  kaya kinumpiska ang kahon-kahon ng mga puslit na sigarilyo at itinurn over sa Bureau of Customs (BOC)  sa Jolo para sa tamang imbentaryo at kaukulang imbestigasyon.

Magkatuwang ang PCG at BOC sa pagbabantay sa mga baybayin sa bansa upang mapigilan ang iligal na aktibidad gaya ng smuggling, at human trafficking. (GENE ADSUARA)