Digital version ng National ID tatanggapin sa passport application – DFA

TATANGGAPIN  na ng Department of Foreign Affairs (DFA) ang printed digital version ng PhilSys ID o mas kilala sa tawag na national ID, bilang valid identification card para sa mga aplikante ng pasaporte.

Sa isang pahayag noong Biyernes, sinabi ng DFA na kikilalanin ng Office of Consular Affairs simula Oktubre 21, ang digitized version ng PhilSys ID o ang ePhilID para sa mga aplikasyon ng pasaporte.

Sinabi ng DFA na dapat ay malinaw, nababasa ang mga detalye sa naka-print na ePhilID at dapat ay naglalaman ng parehong mga detalye tulad ng ipinakita sa mga kinakailangan sa dokumentaryo sa panahon ng aplikasyon ng pasaporte.

“To facilitate its use as a valid ID accepted for passport application, the public is advised that the details in the printed ePhilID must be clear, readable, and contain the same details as the presented documentary requirements during the passport application,” anang DFA.

Para sa karagdagang impormasyon tungkol sa mga passport requirements, pinayuhan ng DFA ang publiko na bumisita sa: https://dfa-oca.ph/passport/passport-requirements.