PBA season 46 opening sa Abril 18 na!

Iniatras ng Philippine Basketball Association (PBA) ang pagbubukas ng Season 46 sa Abril 18 sa bagong venue sa Ynares Center sa Antipolo City.

Ito ay matapos lumobo ang bilang ng mga tinatamaan ng coronavirus disease (COVID-19) sa bansa na pumapalo na sa 5,000 kada araw.

Plano sana ng PBA management na simulan ang PBA Season 46 Philippine Cup sa Abril 11 sa isang semi-bubble setup sa National Capital Region (NCR).

“Hindi masisimulan ng April 11. Hopefully, by April 18 makapaglaro na tayo,” ani PBA commissioner Willie Marcial.

Dahil sa bagong plano, hihilingin pa ng PBA ang approval ng local government unit sa Antipolo City at Rizal upang payagan ito.