PAGSASARA SA MGA SHOPPING MALLS, PINAG-AARALAN PA

WALA pang plano  ang pamahalaang Lungsod ng Maynila para sa pansamantalang pagsasara ng mga shopping malls at iba pang establisimyento sa lungsod.

Ginawa ang paglilinaw kasunod na rin ng mga kumakalat na ulat sa social media hinggil dito.

Tiniyak din na ang hospital occupancy rate ng lungsod  at ang 36 porsyento ay malayo sa critical level.

“The Manila Public Information Office (MPIO) would like to clarify that Ordinance No. 8617 or the temporary closure of all malls and similar establishments in the City of Manila was implemented last year,” ayon sa official  facebook page ng Manila City Hall.

Nilinaw din ng  MPIO na ang ordinansa na ni-rehash o binago ay inilabas pa noong March 17, 2020, nang isailalim ang Metro Manila sa  Enhanced Community Quarantine (ECQ) sa kasagsagan ng  Covid-19 pandemic. (GENE ADSUARA)