3 CHINESE NATIONAL INARESTO NG BI SA ONLINE SCAM AT MONEY LAUNDERING

NAARESTO ng Bureau of Immigration (BI) ang tatlong umano’y Chinese nationals sa Angeles City, Pampanga dahil sa hinihinalang online scam at money laundering. Nahuli sila habang gumagamit ng mga computer para sa panlilinlang sa mga dayuhang biktima.
Kinilala ni BI Commissioner Joel Anthony Viafo ang mga naaredto na sina Zhang Zheng, 42; Ren Yi, 28; at Zhang Shengjun, 31, na akting naaresto habang nag-operate ng computer equipment na gagamitin sa panloloko target ang mga dayuhan
Ayon sa imbestigasyon, bahagi sila ng mga “breakaway” scam groups na binubuo ng dating POGO workers na nag-ooperate sa mga residential area para umiwas sa awtoridad. Isa sa kanila ay may valid visa, isa ay expired, at isa ay permanent resident, ngunit wala silang maipakitang dokumento nang arestuhin.
Mananatili sila sa BI Warden Facility habang isinasailalim sa deportation proceedings. Ipinahayag ng BI na paiigtingin pa ang kampanya laban sa mga dayuhang sangkot sa krimen sa bansa. (Gene Adsuara)