NAMIGAY ang CEO and founder ng Beautéderm Group of Companies na si Rhea Anicoche-Tan ng libreng gasolina sa 100 delivery riders at tricycle drivers.Bahagi ito ng programa ng Beautéderm ContriBeaut Foundation na “Biyaheng Kalinga Full Tank Gas for 100 Delivery Riders and Tricycle Drivers,” sa pakikipagtulungan ng Rotary Club of Balibago.Naganap ang pagpaparehistro sa Beautéderm Headquarters sa Angeles City noong Sabado, Marso 28, na kung saan ang unang 100 registrant ay nakatanggap ng full tank sa SEAOIL Gas Station sa Angeles City.Ayon pa kay Ms. Rei, na kasalukuyang presidente ng Rotary Club – Balibago, na ang programa ay kanyang paraan ng pagsuporta sa “mga modernong bayani sa kalsada,” lalo na sa panahon ito na humaharap na naman tayo sa matinding pagsubok na sanhi ng giyera sa Gitnang Silangan.Ang pondo para sa fuel giveaway ay mula sa kanyang charity auction, “Love in Every Bid: A Cause from the Heart,” na kung saan ipina-auction ni Ms. Tan ang kanyang mga personal na pre-loved na item, na-sold out lahat, upang makalikom ng pera para sa libreng gasolina.Layon ng Beautéderm at ng Rotary Club sa nakaaantig na programa na gumawa ng makabuluhang pagbabago sa buhay ng mga rider at driver, na labis na apektado sa pagtaas ng gasolina.Mabababasa nga sa kanyang Facebook noong Biyernes, Marso 27…“Bukas na ang pa free gas ni Mommy Ninang nyo ha.“Pumila ng maaga. Para pasok sa top 100 . Prang Miss U ihh.”Dagdag pa niya, “Di bale. Gagawa me ulit paraan pra maka round 2. God will provide.Basahin mabuti ang mechanics kapatad ne? Mikit tamu tomorrow, Pin : Beautéderm Headquarters. 8 am po mag start registration. God Bless us All!!”God bless you more Ms. Rei, dahil sa likas na pagiging generous, marami ka namang natulungan.(ROHN ROMULO)
- March 28, 2026
Ang Diyaryong Pinagkakatiwalaan
Archive for March 28th, 2026
Naghahanda rin sa pagganap bilang isang alahera… DINA, ikinuwento kay CHARO ang ninakaw na koleksyon ng alahas
KAHIT ang premyadong aktres na si Dina Bonnevie ay certified viewer pala ng live selling at vlog ni Charo Cordial, ang President at Founder ng Maddox Jewelry.
Mas lalong umugong pagkakawala ng kanyang pinaghirapang koleksyon ng alahas. Ayon sa aktres, naganap ang insidente ilang taon na ang nakalilipas habang nasa taping siya ng kanyang show na ‘Ms. D.’
“Nag-i-intro ko, then I said, we’ll be right back!” ani Dina.
“Nakita ko yung P.A., dala ang bag ko na may lahat ng alahas ko. Pagkalabas niya ng GMA, wala na! Kasabwat niya ang driver—magkamag-anak sila!”
Bukod sa pagbili ng diamonds, napag-alaman ding bahagi ng pagbisita ni Ms. D ay paghahanda para sa bago niyang serye kung saan gaganap siya bilang isang alahera, perfect timing para matuto mula sa eksperto!
Hindi naman nabigo si Charo Cordial, na masinsinang ipinaliwanag kung paano matutukoy ang tunay na diyamante kumpara sa peke—patunay kung bakit siya kinikilalang isa sa mga pinagkakatiwalaang content creator ng mga celebrity pagdating sa alahas.
Samantala, patuloy na nagti-trending ang naturang interview sa iba’t ibang platforms ng Maddox Jewelry:
YouTube: @Maddox_JewelryFacebook: D Maddox Jewelry, TikTok: maddox.jewelry
Sa rami ng rebelasyon, chika, at kaalaman tungkol sa diamonds, lalong pinapatunayan ni Ms. Charo na ang kanyang content ay hindi lang basta aliw, kundi isang source ng impormasyon at inspirasyon.
***
ISANG very reliable source ang tinanong namin kung ano talaga ang totoo sa pagsasama nina Maine Mendoza at Cong. Arjo Atayde.
Totoo nga bang hiwalay na raw ang dalawa o nagkakalabuan? Eh, mas lalo pa itong uminit nang mag-post si Bayani Agbayani ng video ng birthday ni Papa Art Atayde at Ria Atayde. Nando’n halos ang buong pamilya, pero wala si Maine.
Diumano’y may sakit si Maine kaya wala ito.
Medyo hindi naging katanggap-tanggap sa karamihang netizen ang dahilan. Na para bang walang karapatang magkasakit si Maine, huh.
So ‘eto na, wala raw katotohanan na hiwalay na sina Maine at Arjo. Okay na okay raw ang dalawa. Talagang after ng kinasangkutang isyu ni Arjo, as much as possible, low key na lang daw ang mga ito.
(ROSE GARCIA)
4 Billion Hearts Strong: Globe GoGIVE Transforms Everyday Data into Nationwide Impact
GLOBE highlighted the expanding impact of GoGIVE at the latest installment of The Blueprint by Globe, the company’s quarterly media event. Embedded in the GlobeOne app and powered by thousands of Globe Prepaid users, GoGIVE transforms everyday mobile data usage into meaningful support for communities across the country.
GoGIVE donors have generated more than 4 billion hearts through their everyday mobile data usage on the GlobeOne app. This far exceeds the 840 million heart target set for each partner organization, reflecting the strong and sustained participation of Globe Prepaid customers.
These hearts are then converted into meaningful connectivity support that powers advocacies such as animal welfare, environmental conservation, digital education, women empowerment, medical assistance, disaster relief, children’s rights & development, inclusion, teacher development, and child protection across the country.
Today, GoGIVE is translating digital participation into tangible programs on the ground. For the Philippine Animal Welfare Society (PAWS), connectivity support enables a more efficient online pet adoption process for shelter cats and dogs, access to virtual veterinary consultations, and stronger communication systems that enhance rescue operations during disasters.
The Philippine Eagle Foundation is using the support to strengthen education and community-based conservation efforts. Indigenous community partners can access online learning modules, participate in virtual trainings and coordination meetings, and report threats and illegal activities in real time to help protect the critically endangered Philippine eagle.
Through Project PEARLS, women in partner communities are gaining both practical skills and renewed confidence through online trainings in macramé, crochet, candle making, and personal development. At the same time, youth scholars are being equipped with career guidance, résumé-building tools, and leadership training that open doors to brighter futures.
Beyond long-term advocacy programs, Globe Prepaid customers have also supported emergency response efforts through GoGIVE during times of calamity. In partnership with Ayala Foundation, Rise Against Hunger Philippines, Pawssion Project, and the Philippine Eagle Foundation, GoGIVE has helped mobilize timely aid for affected communities.
To support GoGIVE:
1. Globe Prepaid customers can tap GoGIVE on the GlobeOne app,
2. Select the advocacy to start earning hearts,
3. Support the cause automatically every time mobile data is used!
By turning everyday data usage into collective action, Globe continues to show that connectivity can serve a larger purpose. GoGIVE demonstrates how digital engagement can create measurable impact, strengthen communities, and reinforce Globe’s role as a partner in nation-building. (ROHN ROMULO)
Talented ang anak at nasa dugo talaga ang pag-aartista… SHERYL, ‘di tinutulan at ipinagkait kay NICOLE na pasukin ang showbiz
NALI-LINK ngayon si Miss Universe Philippines 2020 Rabiya Mateo sa Kapamilya actor na si Jake Cuenca matapos silang makitang magkasama sa isang restaurant sa Bonifacio Global City sa Taguig.
Hindi man diretsahang nagbanggit ng pangalan ngunit kinumpirma ni Rabiya na may nagpapasaya sa kanya ngayon, matapos ang breakup nila ng kanyang ex-boyfriend, ang Kapuso actor na si Jeric Gonzales.
Sa isang panayam sina ni Rabiya na,“Parang tumitibok naman siya in general. Pero I would say na I’m in a happy place, very, very happy. I’m so grateful sa lahat ng lessons from the past.
“It made me realize na kung ano man yung mga heartaches or yung mga bad na nangyari sa ‘yo in the past, it’s gonna get better. Sasaya ka ulit.
“Kasi nasa process pa lang ng kailangan mo talagang kilalanin at kailangan mo tingnan if compatible ba kayo or not.
“Yung compatibility, loyalty, even love, it is tested with time so I need to wait for it, walang minamadali.”
Dagdag pa niya, “Ine-enjoy ko lang yung process pero I think yung paglagay ng label, I think nasa babae din yan, nasa akin yung ball game ngayon.
“Hawak ko yung bola ngayon. I just want to take things slow. I think we have this common understanding na we want to know each other.”
Inamin din niya na nasa proseso pa siya ng pagmu-move on mula sa failed relationship, “You have to heal muna. Minsan kasi yung thinking natin na okay after a heartache, bago na naman.
“It doesn’t work. You need to do all the self-work, inner work. You need to process the breakup, give some time para pag dumating na yung potential mabibigay mo yung best mo,” pahayag pa ni Rabiya.
***
WALANG pagtutol ang actress-singer na si Sheryl Cruz na mag-showbiz ang kanyang anak na si Ashley Nicole o Nicole Sonora bilang kanyang screen name, kaya pinayagan niya ito.
Nang nag-guest ang mag-ina sa “Fast Talk With Boy Abunda” nitong Miyerkules, March 26, ibinahagi ni Nicole kung bakit siya nagdesisyon na rin siyang sumabak sa pag-aartista.
Ayon sa anak ni Sheryl, hilig na talaga niya ang mag-arte mula pa noong bata siya.
“Honestly, acting, story and creation, since preschool po I’ve always always wanted to be an actor,” kuwento ng 24-anyos na si Nicole, na grumaduate bilang summa cum laude mula sa San Francisco State University noong 2023,
“I didn’t think it would be my career path at first, not until towards the end of college, when a professor told me, ‘You have potential. You should try to enhance it,” dagdag pa niya.
“So since then, parang namulat ako na ah parang kaya pala ‘to. Kasi that person who is saying it is somebody na sa America pa ‘to.
“So they don’t know, wala silang paki sa family ko kasi walang bias so parang ‘Ah okay. If you see something in me, then maybe I can trust in myself more,’” saad pa niya.
Pahayag naman ni Sheryl, “At first, like any other parent, showbiz is very hard. But I cannot take that away from her because it’s in her blood,” sabi ni Sheryl.
“I know she will have something to fall back on because tapos naman na siya ng kaniyang pag-aaral.
“But of course hindi ko pwede sa kanyang ipagkait itong passion to pursue what is in her blood which is acting, and the love of singing and creation because she’s also a talented writer,” pahayag pa ni Sheryl.
“I wish you well in your showbiz endeavors and please don’t lose your moral compass.
“I want her to have the time of her life here in show business. For whatever happens, if it’s a roller coaster ride of emotions, then I just want her to enjoy the ride and know herself better than anyone else,” mensahe pa niya kay Nicole.
(ROHN ROMULO)
DUMALO si Navotas City Mayor John Rey sa TVET Forum 2026, kasama ang kanilang mga partners mula sa iba’t ibang lungsod ng CAMANAVA dahil mahalaga aniya ang ganitong pagtitipon para masigurong ang mga trainees ay handa sa trabaho at may tunay na oportunidad pagkatapos ng kanilang training.
Ani Tiangco, patuloy niyang sinusuportahan ang mga programang nagpapalakas ng kakayahan ng Navoteños dahil sa pamamagitan ng matibay na partnership at tuloy-tuloy na pagtutulungan, mas marami pa ang magkakaroon ng maayos na trabaho at magandang kinabukasan. (Richard Mesa)
Pinas, nakikipag-usap na sa India, Argentina, Canada para posibleng pagkuhanan ng langis —Malakanyang
NAKIKIPAG-USAP na ang gobyerno ng Pilipinas sa India, Argentina, at Canada para sa posibleng alternatibong pagkukuhanan ng petroleum sa gitna ng sumirit na presyo ng langis bunsod ng sigalot sa Gitnang Silangan.
Tugon ito ni Presidential Communications Office Undersecretary at Palace Press Officer Claire Castro nang tanungin ukol sa contingency plans ng gobyerno matapos na magpahayag ang Iran na wala itong balak na makipag-ayos sa Estados Unidos, taliwas sa sinabi ni US President Donald Trump na nagpapatuloy na ang usapan.
Tinukoy ang impormasyon mula kay Energy Secretary Sharon Garin, sinabi ni Castro na ang Pilipinas ay nakikipag-usap na sa ibang bansa na hindi nakasandal sa Middle East pagdating sa fuel supply.
”Siyempre unang-una, magdasal tayo na magkaroon na ng agreement sila at magkaroon ng pagkakasundo. Kapag hindi po kasi agad nagkasundo at hindi natapos itong sigalot sa Middle East, malaki po talaga itong magiging epekto,” ayon kay Castro.
”Pero muli, tinanong natin diyan si Secretary Sharon Garin at ito ang kaniyang sinabi, and I quote, ‘We are stocking up and now in dialogue with other counties like India, Argentina, Canada, and other countries that do not rely on Middle East for their petroleum,”’ aniya pa rin.
Winika pa ni Castro na ginagawa ng gobyerno ang lahat ng makakaya nito at mga hakbang para mapigilan ang bansa na dumating sa tinatawag na ”worst-case scenario.”
At nang tanungin kung magpapatupad ang gobyerno ng energy lockdown, sinabi ni Castro na sa ngayon ay walang dahilan para gawin iyon.
At pagdating naman aniya sa pagpapataw ng price freeze sa mga basic goods, sinabi ni Castro na masusi itong pinag-aaralan dahil kailangan ay mayroong balanse sa hanay ng mga apektadong sektor lalo na sa pagitan ng oil industries at mga consumers.
”Hindi po natin sinabing hindi magpa-price freeze. Ang sabi po natin, aaralin po ito. At ito po ay babalansehin at kung ano ang nararapat para po hindi lang isang sektor ang maaapektuhan – balanse para sa oil industries, balanse para sa taumbayan,” ang litaniya ni Castro. (Daris Jose)
BAGONG NAIAX OFF-RAMP PAPUNTANG TERMINAL 3 BINUKSAN, PINABILIS ANG DALOY NG TRAPIKO
BINUKSAN araw ng Biyernes ang westbound off-ramp ng Ninoy Aquino International Airport Expressway (NAIAX) sa Andrews Avenue na patungo sa NAIA Terminal 3 sa Lungsod ng Pasay.
Ang naturang proyekto ay makababawas sa haba ng biyahe ng 15 hanggang 25 minuto para sa mga motorista mula SLEX, Skyway Stage 3, at Lawton Avenue, lalo na sa oras ng matinding trapiko.
Pinangunahan ni Pangulong Ferdinand R. Marcos Jr. nitong Biyernes ang pagbubukas ng NAIAX – Westbound Off-Ramp papuntang NAIA Terminal 3, isang 320-metrong kalsada sa Barangay 183, Pasay City, na layong i-decongest at pagandahin ang daloy ng trapiko sa paligid ng airport terminal.
“At ito ay isang bahagi lamang sa mga ating ginagawa para – lalong-lalong na paghanda sa Holy Week,” ani Pangulong Marcos sa kanyang mensahe sa okasyon.
Kasama sa mga nakasama ng Pangulo ang Acting Secretary ng Department of Public Works and Highways (DPWH) na si Vivencio B. Dizon; si Ramon S. Ang, Chairman at CEO ng San Miguel Corporation; Acting Secretary ng Department of Transportation (DOTr) na si Giovanni Lopez; Atty. Jose Arturo Tugade, Executive Director ng Toll Regulatory Board (TRB); at si Mayor Imelda Calixto-Rubiano ng Pasay City.
Sinabi ni Pangulong Marcos na binuksan na rin ng gobyerno ang connector road mula CAVITEX hanggang C5 upang masiguro ang tuloy-tuloy na daloy ng trapiko mula sa highway.
“At mabubuksan na rin ‘yung —papuntang Cabanatuan. At ‘yun, isa pa ‘yun para medyo mabigyan natin ng kaunting relief ang mga travelers na papunta around Central Luzon,” dagdag pa niya.
“Kaya patuloy natin pinabubuksan lahat ng mga ating kalsada upang mas madali ang magiging travel sa ating mga kababayan, lalong-lalo na ngayon na may Holy Week,” ani Pangulo.
Sa isang ambush interview sa media matapos ang pagbisita ng Pangulo, sinabi ni SMC chairman Ramon Ang na tinatayang PhP1 bilyon ang halaga ng proyekto.
Ang SMC ang Concessionaire at Operator ng proyekto, na natapos noong Disyembre 2025 at binuksan sa publiko noong Marso 27, 2026.
Noong nakaraan, iniutos na ni Pangulong Marcos sa mga kaukulang ahensya ng gobyerno na bumuo ng imprastruktura upang pagandahin ang konektibidad at bawasan ang trapiko sa Metro Manila.
Sa utos ng Pangulo, itinayo ang NAIAX Westbound Off-Ramp papuntang NAIA Terminal 3 upang suportahan ang modernisasyon ng NAIA sa ilalim ng Public-Private Partnership (PPP) program, na nagbibigay ng bagong access sa airport para sa mas maayos at mas predictable na biyahe.
Dagdag pa rito, isinagawa rin ang road widening sa Circulo del Mundo Rotonda na direktang patungo sa NAIA Terminal 3.
Pagdating sa off-ramp, binigyan ng briefing boards si Pangulong Marcos, Dizon, at Ang bago sila sumakay sa coaster para magsagawa ng windshield inspection ng natapos na proyekto sa Toll Plaza.
Ang congestion at inefficient inter-terminal transfers sa NAIA ay nagpapababa ng kalidad ng karanasan ng mga biyahero sa pagdating at pag-alis sa Maynila, na pinalalala ng hindi predictable na oras ng biyahe para sa mga pasaherong naglilipat sa pagitan ng mga terminal.
Bilang bahagi ng pagpapahusay ng NAIAX, layunin ng proyekto na pagandahin ang konektibidad ng tatlong terminal ng NAIA, na may tinatayang 30 hanggang 40 porsyentong pagbaba ng dami ng sasakyan sa Andrews Avenue–Newport intersection sa pamamagitan ng paghihiwalay ng airport-bound traffic sa lokal na kalsada, na nagbibigay ng agarang ginhawa sa mga commuter at residente ng Newport City at Villamor. ( DARIS JOSE)
ASEAN summit tuloy sa Mayo sa kabila ng labanan sa Gitnang Silangan
TULOY ang 48th Association of Southeast Asian Nations (ASEAN) Leaders’ Summit and Related Summits sa Cebu sa May 8 hanggang 9, 2026.
Tiniyak ni Pangulong Ferdinand Marcos Jr., sa mga mamamahayag sa Silang, Cavite, na ang desisyon na ituloy ang nasabing event ay kasunod ng konsultasyon sa mga kapwa Southeast Asian leaders.
“We have consulted with our counterparts in the 10 other member-states. And the question that I asked them is very simple: Would you prefer – because everybody is busy with the oil crisis going on, because of the war in the Middle East – would you like to postpone the ASEAN Summit?’” ang sinabi ni Pangulong Marcos.
“The consensus that we came to is that it is precisely now that we must coordinate our efforts. So, that is what we are going to do. Ipapatuloy natin ‘yung (we will continue) ASEAN Summit,” aniya pa rin.
Aniya pa, ang 48th ASEAN Leaders’ Summit and Related Summits ay magiging “very bare bones,” sabay sabing nakatuon ito sa tatlong pangunahing paksa: langis, pagkain at migrant workers.
Binigyang diin ng Pangulo ang kahalagan ng nalalapit na summit na tulungan ang mga ASEAN leaders na madetermina “what do we do in the future, what do we do for the rest of the year, how can we help each other, and what is the ASEAN position regarding all of these shocks that are coming our way.”
“We will be talking about the three main subjects – about the supply of petroleum and petroleum products, about the supply of food and the price of food and migrant workers,” ayon sa Pangulo.
“The 49th ASEAN Summit and Related Summits, scheduled for Nov. 10 to 12 in Pasay City, will “tentatively” push through, as it is an important engagement where other world leaders are expected to attend,” ang pahayag ng Chief Executive.
Bilang bahagi ng chairship ng Pilipinas sa ASEAN ngayong taon, ang Pilipinas ay magho-host ng 650 ministerial at senior official meetings.
Sa ulat, sinusuportahan ng mga lider ng Senado ang mungkahing pag-aralan ang posibleng pagpapaliban ng pagho-host ng Pilipinas sa ASEAN Summit, kasabay ng tumitinding epekto ng sigalot sa Middle East sa ekonomiya.
Ayon kay Vicente Sotto III, dapat ikonsidera ng pamahalaan ang mungkahi ng dating Finance Secretary na si Gary Teves.
Dagdag pa niya, maaaring ito na ang tamang panahon upang pag-isipan ang ganitong hakbang lalo na kung makakatulong ito sa pagtitipid ng pondo ng gobyerno.
Pabor din naman si Senate President Pro Tempore Ping Lacson at naniniwalang maiintindihan naman aniya ng mga karatig-bansa sa Southeast Asia kung sakaling maantala ang hosting ng Pilipinas.
Layunin ng mungkahi na ipagpaliban ang ASEAN Summit at mga kaugnay na pulong upang ang mahigit ₱17 bilyong nakalaang pondo ay mailaan na lamang sa mas mahahalagang programa, gaya ng ayuda para sa mga apektado ng pagtaas ng presyo ng langis.
Para kay Imee Marcos, hindi praktikal ang paggastos ng ganito kalaki para sa isang event sa gitna ng kasalukuyang sitwasyon ng bansa.
Aniya, kung hindi man maipagpapaliban, maaari itong gawing mas simple at bawasan ang gastos. Maaari rin aniyang gamitin ang pagpupulong upang humingi ng suporta mula sa mga bansang may suplay ng langis tulad ng Brunei, Indonesia, at Malaysia.
Maging si Sen Sherwin Gatchalian ay pabor din dahil mas mainam aniya na bawasan ang gastusin kung hindi matutuloy ang pagpapaliban.
Nakatakdang idaos ang 48th ASEAN Summit sa Cebu ngayong Mayo at ang ika-49 na summit sa Pasay sa Nobyembre, kasabay ng iba pang pulong bilang bahagi ng papel ng Pilipinas bilang host country.
( DARIS JOSE)
LTFRB NANAWAGAN NA BAWASAN NG HINDI BABABA SA 50% ANG RENTA NG MGA PUV TERMINAL
NANAWAGAN ang Land Transportation Franchising and Regulatory Board (LTFRB) sa mga may-ari ng mall at iba pang establisimyento na bawasan ng hindi bababa sa 50% ang renta ng mga terminal ng pampublikong sasakyan (PUV).
Ayon kay LTFRB Chairperson Atty. Vigor D. Mendoza II, layunin ng hakbang na ito na matulungan ang mga operator ng PUV na mapababa ang kanilang gastusin sa operasyon, lalo na ngayong patuloy na tumataas ang presyo ng produktong petrolyo bunsod ng kaguluhan sa Gitnang Silangan.
“Nagpadala na kami ng mga liham sa iba’t ibang may-ari at tagapamahala ng mga establisimyento na may PUV terminal upang bawasan ang renta bilang tulong sa sektor ng pampublikong transportasyon,” ani Chairperson Mendoza.
Ipinadala ng lahat ng Regional Director ng LTFRB ang naturang liham sa mga terminal owners at operators sa kani-kanilang nasasakupan, na humihiling ng hanggang 50% bawas sa renta. Inatasan din ang mga Regional Director na regular na magbigay ng ulat sa tanggapan ng LTFRB hinggil sa mga nagiging tugon at resulta ng naturang apela.
“Malaking tulong ang maibibigay ng mga establisimyento sa pagbawas ng renta upang maibsan ang pasaning pinansyal ng sektor ng transportasyon,” dagdag ni Chairperson Mendoza.
“Makakatulong din ito upang matiyak ang tuloy-tuloy na pagbibigay ng maaasahan at episyenteng serbisyo sa mga mananakay.”
Patuloy namang nagbibigay ng tulong ang pambansang pamahalaan sa sektor ng pampublikong transportasyon, kabilang ang P5,000 fuel subsidy na ipinatutupad sa Metro Manila at ang pagbawas ng toll fees sa mga expressway.
Nauna nang nanawagan ang LTFRB sa mga government financial institutions na huwag magpataw ng penalty sa mga operator ng modern jeepneys na naantala ang pagbabayad ng kanilang buwanang amortization.
“Patuloy na gumagawa ng paraan ang pamahalaan upang maibsan ang epekto ng kasalukuyang hamon. Sa bawat Pilipino, nawa’y manaig ang diwa ng bayanihan at malasakit upang sama-sama nating mapagtagumpayan ang hamong ito,” pagtatapos ni Chairperson Mendoza.
(PAUL JOHN REYES)
KITA NG TSUPER, SASAGUTIN NG MAYNILA PARA SA LIBRENG SAKAY
SASAGUTIN ng Pamahalaang Lungsod ng Maynila ang kita ng mga tsuper ng jeep upang makapagbigay ng libreng sakay sa mga commuter
Sinabi ni Manila Mayor Francisco “Isko Moreno” Domagoso nitong Biyernes, Marso 27, na sasagutin ng pamahalaang lungsod ang kita ng mga tsuper ng jeep upang makapagbigay ng libreng sakay sa mga commuter ang mga sasakyang lalahok sa programa, bilang bahagi ng pagpapatupad ng Executive Order No. 14, series of 2026.
Inilunsad ang programa sa kanyang “Talk to the People” address matapos ang pagpupulong kasama ang mga pangulo ng 22 Jeepney Operators and Drivers Associations (JODA). Layunin nitong isakatuparan ang Seksyon 5 ng EO 14, na nag-uutos ng pagbibigay ng ayuda sa sektor ng transportasyon sa gitna ng patuloy na pagtaas ng presyo ng langis.
Sa ilalim ng kasunduang ito, sasagutin ng Pamahalaang Lungsod ng Maynila ang arawang operasyon ng mga kalahok na jeepney, upang matiyak na may garantisadong kita ang mga tsuper at operator habang hindi na sisingilin ng pamasahe ang mga pasahero.
Ayon kay Domagoso, makatatanggap ang mga tsuper ng jeep ng humigit-kumulang ₱3,000 kada araw, depende sa uri ng sasakyan, upang matugunan ang matinding pagbagsak ng kanilang arawang kita dulot ng tuloy-tuloy na pagtaas ng presyo ng gasolina.
“Hihiramin ko ’yung mga jeep at driver. Garantisadong bayad araw-araw. May kita ang operator, may kita ang driver. Tiyak na kita, kasiguruhan. May kita ang gasolinahan at mga nagnenegosyo sa Maynila, at higit sa lahat, walang kailangang bayaran ang ating mga mananakay kapag ang jeep na sasakyan nila ay kasapi ng programa ng Lungsod ng Maynila,” ani Domagoso.
Mahigit 1,400 jeepney ang inaasahang lalahok sa programa, na sasaklaw sa mga ruta sa loob ng Maynila at mga karatig-lugar. Tinataya ng alkalde na maaari itong magsilbi sa humigit-kumulang 100,000 pasahero kada araw.
Sinabi rin ni Domagoso na nabuo ang inisyatibong ito sa loob lamang ng 48 oras bilang agarang tugon upang maibsan ang epekto ng pandaigdigang krisis sa langis, na lubhang nagpababa sa naiuuwing kita ng mga tsuper sa ₱200 hanggang ₱500 lamang kada araw.
Kinilala rin ng alkalde na limitado at pansamantala pa rin ang ayuda mula sa pambansang pamahalaan, at inilarawan ang hakbang ng lungsod bilang isang “pantawid” o pansamantalang lunas upang matulungan ang parehong mga tsuper at commuter na makayanan ang tumataas na gastos sa transportasyon.
Ang programa ng libreng sakay ay unang ipatutupad sa loob ng limang araw sa loob ng dalawang linggo—Lunes at Martes sa unang linggo, at Lunes hanggang Miyerkules sa ikalawang linggo—na maaari pang palawigin depende sa pagkakaroon ng pondo (Gene Adsuara)