PINANGUNAHAN ni Pangulong Ferdinand R. Marcos Jr. ang isang pagpupulong kasama ang Private Sector Advisory Council (PSAC) para pag-usapan ang hakbang na makapagpapagaan sa epekto ng presyo ng langis sa air transport sector.
“During the meeting, Marcos and PSAC identified several measures to mitigate the immediate effects of rising fuel costs on air transport,” ayon sa Presidential Communications Office (PCO).
Nais din ng Pangulo na matiyak ang ‘affordability, operational stability, at minimal disruption’ sa mobility at supply chains.
“President Marcos also underscored the administration’s commitment to work closely with the aviation sector in pursuing other measures to secure a steady supply of oil and fuel amidst global tightening and to cushion the impact of price increases to the traveling public,” ang sinabi pa rin ng PCO.
Binrief naman ng Department of Transportation si Pangulong Marcos ukol sa adopsyon ng Civil Aeronautics Board (CAB) sa 15-day airfare price monitoring at implementasyon ng cycle para sa imposisyon ng mga pasahero at cargo fuel surcharges sa domestic at international flights.
Ang pinakabagong pagkilos ng CAB ay nakahanay sa kamakailan lamang na direktiba ni Pangulong Marcos na lumikha ng mas “responsive mechanism” para pasibatin ang fuel price volatility at makatulong na pakalmahin ang fare adjustments.
Inaprubahan naman ng Civil Aviation Authority of the Philippines ang pagbabawas ng passenger service at airport navigation charges sa government-operated airports.
Layon ng inisyatiba na magbigay ng pansamantalang kaginhawaan para sa airlines at mga pasahero bilang resulta ng gradual increase sa airfare prices at pagkakaloob ng temporary relief sa mga negosyo. (Daris Jose)

IPINAG-UTOS ni Pangulong Ferdinand R. Marcos Jr. ang alokasyon o paglalaan ng P10 billion para sa mga magsasaka at mangingisda na apektado ng pagsirit ng presyo ng langis.
Sinabi ni Executive Secretary Ralph Recto na ang bagong direktiba ng Pangulo ay naglalayon na palawigin ang fuel subsidy program sa pamamagitan ng pagsama sa “food producers” sa hanay ng mga benepisaryo.
Idinagdag pa ni Recto na ang pinakabagong inisyatiba ng Pangulo ay makatutulong sa mga magsasaka na makayanan ang tensyon sa Gitnang Silangan dahilan ng global oil price hikes.
“We know that fuel inflation can trigger food inflation. That is what we are trying to mitigate. If fishermen are spending less time out in the sea because they are limited by their gas supply, then it results in lower catch, which in turn makes fish expensive,” ang sinabi ni Recto.
Aniya pa, batid ng pamahalaan na ang mga magsasaka at mangingisda ay umaasa sa fuel, kaya’t ipinag-utos ni Agriculture Secretary Francisco Tiu Laurel Jr. na tulungan ang mga ito sa lalong madaling panahon.
“In this mechanized era, farmers rely on equipment from tractors to harvesters… And fishermen no longer paddle out to sea. They are brought there by boats powered by gas or diesel engines. That is why as much as 75 percent of the market price of fish represents fuel cost,” aniya pa rin.
“It is not a new program for the DA. They know the drill. They have the list. They have the institutional muscle memory,” dagdag na pahayag ni Recto.
Nauna rito, hiniling ng DA na maglaan ang gobyerno ng P10 billion na cash assistance para protektahan ang mga magsasaka at mangingisda mula sa tumataas na presyo ng langis.
Ang pondo ay huhugutin mula sa Presidential Assistance for Farmers and Fisherfolk Program (PAFF) sa ilalim ng 2026 budget ng DA.
Gayunman, ang PAFF, ay nakatakdang ilabas sa second o third quarter ng 2026. ( DARIS JOSE)

HIMAS-REHAS ang 33-anyos na construction worker na wanted sa kaso ng panggagahasa sa Quezon City nang maaresto ng pulisya sa manhunt operation sa Caloocan City.

Sa ulat, nakatanggap ng impormasyon ang mga tauhan ni Caloocan Police Chief P/Col. Joey Goforth na nanunuluyan sa Brgy. 179, Caloocan City ang akusado.

Dahil dito, kaagad ikinasa ng mga tauhan ng East Bagong Silang Police Sub-Station (SS13) ang manhunt operation laban sa akusado hanggang makorner siya malapit sa tinutuluyan niyang bahay.

Hindi na nakapalag ang akusado nang bitbitin ng mga tauhan ni Col. Goforth sa bisa ng warrant of arrest na inisyu ng Regional Trial Court, Branch 99, Quezon City para sa kasong Rape na walang inirekomendang piyansa.

Matapos nito, dinala ang akusado sa isang government hospital para sa medical examination bago tinurnover sa kostodiya ng SS13 kung saan pansamantala siyang nakapiit habang hinihintay ang utos ng korte.

Pinuri naman ni BGen. Dela Cruz ang arresting team para sa kanilang kasipagan, disiplina, at propesyonalismo sa matagumpay na pagpapatupad ng warrant. (Richard Mesa)

NAGLABAS ng kanyang sagot na pahayag si Navotas Representative Toby Tiangco hinggil sa sinabi ni Rep. Jude Acidre na maglabas ito ng ebidensya tungkol sa umano’y panunuhol sa mga mambabatas para suportahan ang impeachment complaint laban kay Vice President Sara Duterte.

“With all due respect to Rep. Jude Acidre, nakalimutan na yata niya na ilan sa mga pumirma sa first impeachment complaint ay umamin na kaya sila pumirma ay dahil hindi sila mabibigyan ng AICS, AKAP at TUPAD kung hindi nila ito gagawin” ani Tiangco.

“Yung sinabi ko naman na kaya pinirmahan ang first impeachment ay dahil sa mga insertions ng infrastructure projects, proven na din yun. Hindi ba’t nakasuhan na si Zaldy Co at inirekomenda ng DPWH at ICI na sampahan ng kasong plunder si former Speaker Martin Romualdez?” dagdag niya.

“Ngayon, kung ang tinutukoy nya ay ang second impeachment na tinatalakay ngayon, eh masyado naman syang guilty”. “Sumagot lang naman ako when I was interviewed and asked if the DPWH projects that are marked “For Later Relese (FLR)” can be used as a carrot and stick” sabi niya.

“Ang sagot ko was that we can only find out after the voting whether the FLR projects in the districts will be released, depending on their vote” dagdag niya.

“To be clear, I am not an ally of the Vice President. But unlike them, I am not scared of a Sara Duterte presidency because I can be accountable to any President. Hindi ko kailangang sumipsip sa kahit sinong Presidente. I can work with any President I agree with and oppose a President I don’t agree with,” giit ng mambabatas.

“My track record shows that I have opposed even the most popular Presidents. Eh sila? Hanggang ngayon hindi pa nila pinapaliwanag ang P5.96 billion insertion ng Tingog Partylist sa 2025 GAA. Baka kaya nanginginig sila sa takot sa posibilidad na maging Presidente si Sara. Posibilidad palang takot na takot na sila,” sabi pa niya. (Richard Mesa)

NAKAPAGTAPOS sa Project APAT (Ang Paaralan sa Ating Tahanan) ng Schools Division Office of Navotas at Food for the Hungry ang mga magulang Navoteños mula sa 25 na pampublikong paaralan sa Navotas City.

Dumalo sa kanilang graduation si Mayor John Rey Tiangco para personal na binati ang mga nagtapos na mga magulang.

“Nakakatuwang makita ang mga magulang na sa kabila ng trabaho at responsibilidad sa bahay ay naglaan pa rin ng oras para matuto kung paano mas magagabayan ang kanilang mga anak sa pag-aaral at sa buhay,” ani Mayor Tiangco.

“Malaking bagay ito dahil kapag ang magulang ay handang matuto, mas nagiging matatag ang pamilya. At kapag matatag ang pamilya, mas nagiging matatag ang ating lungsod,” dagdag niya.

Patunay lang aniya sa Project APAT na ang pag-aaral ay hindi lang sa paaralan. Nagsisimula din aniya ito sa tahanan, sa paggabay ng magulang, at sa suporta ng komunidad.

“Muli, binabati natin ang lahat ng nagtapos sa P4S (Pagsasanay sa Pagiging Magulang tungo sa Pinagpalang Pamilya). Ipinagmamalaki ko kayo,” pagbati ng alkalde.

Pinasalamatan din ni Tiangco ang mga guro, school leaders, at education stakeholders kung saan patuloy aniya nilang susuportahan ang mga ganitong programa dahil naniniwala siya na walang batang dapat maiwan kung sama-samang kumikilos. (Richard Mesa)