SINABI ni Pangulong Ferdinand Marcos Jr. na depende sa magiging trends o takbo ng presyo ng langis ang pagpapatupad ng emergency power para pansamantalang suspendihin o bawasan ang oil excise tax.
“That depends… Marami, that’s a very complicated calculation… We will see. Depends on the trends. We have to watch the trends on oil prices. We just have to look. It’s very hard to say because it’s all speculation. We don’t know how long this will last for,” ang sinabi ng Pangulo sa isang ambush interview matapos ang Special Joint Price and Supply Monitoring ng Trade and Industry Department at ng Department of Agriculture sa Agora Market at Puregold Agora sa 1 N. Domingo cornerF. Blumentritt, Lungsod ng San Juan, araw ng Miyerkules.
“We don’t know what the effects are. We don’t know what will happen in the Strait of Hormuz. So, you know, right now, we are just adjusting to the situation. And when the situation calls for it, then we will see when to exercise that power and by how much,” aniya pa rin.
Sa ulat, nagbabala ang military command ng Iran na maaaring umabot ang presyo ng langis sa USD$200 per barrel.
Ang Strait of Hormuz ay isa sa pinakamahalagang rutang dinadaanan ng supply ng langis sa buong mundo kung saan dumaraan ang malaking shipment lines at kalakaran ng produktong petrolyo mula sa Middle East patungo sa iba’t ibang bansa.
Samantala, aprubado na sa ikatlo at huling pagbasa sa Senado ang panukalang batas na magbibigay ng kapangyarihan kay Pangulong Marcos na suspendihin o bawasan ang excise tax sa langis.
Sa botong 17-0 inaprubahan ang Senate Bill 1982
Sa ilalim ng panukalang batas, mabibigyan ng agarang ginhawa ang mga Pinoy sa gitna ng patuloy na pagtaas ng presyo ng produktong petrolyo.
Batay sa panukalang batas, puwedeng suspendihin o bawasan ng pangulo ang buwis sa langis kapag lumagpas sa eighty dollars per barrel ang presyo ng Dubai Crude Oil.
Magiging pansamantala lamang ang hakbang at awtomatikong babalik ang buwis kapag naging normal na ang sitwasyon at ang suplay ng produktong petrolyo. ( Daris Jose)
- March 21, 2026
Ang Diyaryong Pinagkakatiwalaan
Archive for March 19th, 2026
PBBM, sa pagsuspinde ng oil excise tax: depende sa trends ng presyo ng langis
Pagdeklara ng State of Emergency ni PBBM, posible-Malakanyang
POSIBLENG magdeklara si Pangulong Ferdinand Marcos Jr ng state of emergency kapag sumirit ang presyo ng mga pangunahing bilihin bunsod ng tumataas na presyo ng langis.
Sinabi ni Presidential Communications Office (PCO) Undersecretary at Palace press officer Claire Castro na hindi pa nagdedeklara ang Pangulo ng price freeze simula nang mag-usap ang trade department at stakeholders ukol sa presyo ng mga pangunahing billihin
“Pwedeng mangyari ‘yan katulad nangyari doon sa bagyo, lindol. Hindi pa napag-uusapan sa ngayon pero maaaring magdeklara kapag nagkataptton, kapag tama na ang sitwasyon. Kapag nakita naman natin na umaabuso lang,” ayon kay Castro.
“Hindi maiiwasan ang pagtaas ng presyo ng fuel dahil sa tuloy-tuloy na nangyayari sa Middle East so titignan natin kung ‘yung pagtaas ba ng presyo ng basic commodities ay dapat,” aniya pa rin.
Sa kabilang dako, hindi pa napag-uusapan ang panukala na posibleng umento sa sahod.
Kinumpirma rin ni Castro na ang pagtapyas sa fuel excise taxes ay mapakikinabangan ng middle class at mga mayayaman.
“I-appreciate na natin kasi hindi pwedeng mamili lang tayo. Pati ‘yung middle class, pati ‘yung nakakaangat sa buhay kailangan din nila ng tulong sa gobyerno.”
Nauna rito, kapwa nagbabala sina Economist Winnie Monsod at Prof. Mon Abrea na ang pagtapyas sa fuel excise taxes ay maaaring mauwi sa pagtaas ng national debt dahil sa paghiram ng gobyerno upang tapalan ang pagtapyas sa revenues para tustusan ang budget.
Ang panukala naman nina Monsod at IBON Foundation executive director Sonny Africa ay buwisan ang ‘wealthiest individuals’ sa bansa, sabay sabing ang 15 wealthiest Filipino ay may pinagsamang yaman na 2.6 trillion piso. ( Daris Jose)
COMELEC NILINIS SI SEN. MARCOLETA SA KASONG PAGLABAG SA HALALAN KAUGNAY NG SOCE
NILINIS ng Commission on Elections (Comelec) En Banc si Senador Rodante Marcoleta sa mga kasong paglabag sa halalan kaugnay ng kanyang Statement of Contributions and Expenditures (SOCE).
Ito ay matapos pagtibayin ng en banc, sa kanilang sesyon noong Miyerkules, ang rekomendasyon ng Political Finance and Affairs Department (PFAD) na itigil na ang imbestigasyon dahil “wala nang ibang ebidensya na magpapatunay na ang respondent ay nakagawa ng anumang election offense.”
Ayon sa Commission, matapos ang masusing pagtalakay ay nagpasya, at dito ay ipinapasyang tandaan ang mga natuklasan ng Political Finance and Affairs Department kaugnay ng Fact-Finding Investigation Case No. 2025-032,” ayon sa pitong-pahinang desisyon.
Gayunpaman, inirekomenda ng Comelec na magsampa ng kaso ng paglabag sa eleksyon laban sa mga nagbigay ng kontribusyon kay Marcoleta, sina Michael Tan Defensor, Joseph Varias Espiritu, at Aristotle Baluyut Viray, dahil sa kanilang di umano’y hindi pagsumite ng kanilang indibidwal na ulat ng kontribusyon sa loob ng 30 araw matapos ang eleksyon.
Nagsimula ang imbestigasyon matapos sabihin ni Marcoleta na hindi niya idineklara ang mga kontribusyon sa kanyang SOCE dahil humiling ang mga nagbigay na manatiling lihim ang kanilang pagkakakilanlan.
Kinumpirma rin ng kanyang kampo ni Marcoleta sa position paper na isinumite noong Enero 6 ,2026 na tumanggap siya ng kabuuang P75 milyon mula s a tatlong indibidwal ideal sa tatlong magkakahiwalay na pagkakataon ngunit natanggap ito mahigit isang buwan bago magsimula ang opisyal na campaign period.
Dahil hindi pa siya itinuturing na kandidato noong panahon ng pagtanggap ng mga kontribusyon hindi ito maituturing na ginawa upang impluwensyahan ang resulta ng eleksyon.
Sa SOCE ni Marcoleta, nagastos niya ang halagang P139.9 milyon para sa kanyang kampanya, na mas mataas sa kanyang idineklarang net worth na P51,965,559.
Muling binigyang-diin ni Chairman George Erwin Garcia na ayon sa batas , lahat ng kontribusyon at gastusin na may kaugnayan sa eleksyon ay dapat iulat at magsumite ng kumpleto,totoo at detalyadong ulat .
(Gene Adsuara)
Mabilisang koordinasyon ikinasa upang tugunan ang patuloy na pagtaas ng presyo ng langis
NAKATUON ang Malakanyang sa mabilis na pagtugon sa mga pangangailangan ng mamamayan, lalo na’t tumataas ang presyo ng langis dahil sa kaguluhan sa Middle East.
At upang matiyak na maibsan ang bigat na dulot nito, pinulong ni Executive Secretary Ralph G. Recto ang iba’t ibang ahensya ng pamahalaan noong Marso 16, 2026 upang pag-planuhan ang mga hakbang na susuporta sa mga pinakaapektadong pagtaas ng presyo ng langis. Kasama rito ang mga driver, commuter, manggagawa, estudyante, magsasaka, mangingisda, at mga pamilyang Pilipino.
Sa direktiba ni Pangulong Ferdinand R. Marcos Jr., inatasan ni Recto ang Department of Budget and Management na agad na ilabas ang pondo para sa financial assistance sa transport drivers sa ilalim ng Assistance to Individuals in Crisis Situations program ng Department of Social Welfare and Development.
Kasabay nito, inatasan din ang Department of Transportation na pabilisin at palawakin ang mga relief measure tulad ng Libreng Sakay program upang maibsan ang epekto ng mataas na presyo ng krudo sa mga commuter at iba pang apektadong pasahero.
Isinusulong din ang iba pang hakbang tulad ng pagbibigay ng toll fee discounts para sa mga public utility vehicle at pagbabawas sa piling aviation charges para makatulong sa pagpapababa ng gastusin at posibleng pamasahe sa eroplano.
Samantala, pinakikilos ang Department of Agriculture upang mapanatiling matatag ang presyo ng mga pagkain at masigurong sapat ang suplay nito, lalo na ng bigas, habang pinalalawak ang suporta para sa mga magsasaka.
Kasama sa pagpupulong sina DSWD Secretary Rex Gatchalian, DOTr Secretary Giovanni Lopez, DA Secretary Francisco Tiu Laurel Jr., at DBM Secretary Rolando Toledo.
( Daris Jose)
Sinuspinde muna ni PBBM: Fare hike na ikakasa, naudlot
SINUSPINDE ni Pangulong Ferdinand Marcos Jr., ang nakatakda sanang ikasa ngayong Huwebes, Marso 19 na taas pasahe sa mga pampasaherong sasakyan matapos aprubahan ng Transportation Franchising Regulatory Board (LTFRB), kamakalawa.
Sa isang video message, sinabi ni Pangulong Marcos na hindi napapanahon ang magtaas ng pamasahe para sa mga mamamayan.
“Magandang araw po sa ating mga minamahal na kababayan. Alam niyo po paggising ko kaninang umaga nakita ko ‘yung mga headline at ang pinag-uusapan ay yung naaprubahang fare hike para sa ating mga nagpapasada. Sa aking palagay dahil nga eh may problema pa rin tayo dahil sa giyera sa Middle East ay sabi ko siguro hindi ito ang panahon para magtaas ng pamasahe para sa ating mga kababayan,” ayon kay Pangulong Marcos.
“Kaya’t inutos ko sa Department of Transportation (DOTr) na suspendihin muna ang fare hike at i-defer muna natin yan. I-postponan muna natin ‘yan dahil eh nasa gitna ngayon tayo nitong ah sitwasyon na ito na kailangan ay patuloy ang ating pag-alalay sa ating mga ah commuter, sa lahat ng mga ating manggagawa kung estudyante lahat ng gumagamit ng ating transport system,” aniya pa rin.
Magkagayon man, hindi dapat mag-alala ang mga transport workers dahil mamadaliin naman nial at dadagdagan ang suporta para sa mga ito para naman hindi aniya masyadong mahirapan ang mga ito.
“Ang DOTR ang inutusan ko na ah sisimulan na ang libreng sakay sa buong Pilipinas at ah pwede na pwede po ninyong gamitin muna yan para pangbawas gastos sa pang-araw-araw,” aniya pa rin.
Winika pa ng Pangulo na sa MRT at LRT ay magpapatupad ng diskwento sa pamasahe.
“Bukod pa doon sa mga toll road ay meron din tayong inutos na diskwento para mas maliit na ngayon ang bayad ng taong bayan sa paggamit ng mga toll road,” ang sinabi ng Pangulo.
“Kahit na may malaking gulo na nangyayari ay basta’t kaunti lang ang mararamdaman o sana man kung kaya naming gawin sana walang mararamdaman ng ating taong bayan sa kanilang araw-araw na pagtrabaho sa ating mga estudyante na araw-araw pumapasok alalahan po ninyo na ang inyong pamahalaan ay laging nandito,” dagdag na pahayag ng Pangulo.
Binigyang diin ng Pangulo na lagi silang nag-iisip ng panibagong paraan upang matiyak na ang inyong pamumuhay ay normal, maayos at ligtas.
Nauna rito, sinabi ni LTFRB chairman Vigor Mendoza na epektibo sa araw ng Huwebes, Marso 19 tataas ng piso ang pamasahe sa traditional jeepneys. Ang kasalukuyang P13 minimum fare ay magiging P14 na. May dagdag 20 sentimo naman sa kada susunod na kilometro.
Samantala, nasa P2 ang itataas sa minimum na pasahe sa modern jeepneys o mula sa P15, magiging P17 at 10 sentimo sa kada susunod na kilometro.
Para sa airport taxis, inaprubahan din ng LTFRB ang P40 increase sa flag-down rate. Mula sa P75, magiging P115. Wala namang pagtataas sa susunod na 300 meters at two-minute waiting time charge.
Para sa Transport Network Vehicle Services (TNVS), inaprubahan ang P20 increase at P15 pick-up fare per kilometer. Dahil dito, ang base fare sa TNVS sedan ay magiging P65 mula P45; P75 mula sa dating P55 sa AUVs; P55 sa dating P35 na hatchback at P165 mula P145 sa premium TNVS. Wala namang increase sa per kilometer at per minute travel time sa TNVS.
Inanunsyo rin ni Mendoza ang P2 increase sa minimum fare sa Metro Manila at city ordinary buses. Mula P13, magiging P15 ang unang five kilometers, at .24 sentimo sa mga susunod na kilometro.
Sa aircon buses sa MM at city operations, P3 ang increase o mula P15 ay magiging P18 sa unang five kilometer at 33 centavos increase sa kada susunod na kilometro.
Para sa ordinary buses na may provincial operations, P1 sa unang five kilometers at 30 sentimo sa kada susunod na kilometro.
Para sa ordinary taxis at UV Express, sinabi ni Mendoza na inaaral pa ang kanilang apela dahil kahahain lamang ng petisyon. ( Daris Jose)
“MUDBORN” Now Showing in PH Cinemas!
Look and listen closely… It’s not just a clay doll 👁️
A familiar song,
Every line turns into fear…
“Mudborn” is finally here! Brace yourselves for a chilling ride, where the origin of a clay doll hides a menacing story… and when the song starts to whisper, it’s not something you will ever forget.
Watch the trailer:https://www.youtube.com/watch?v=JM48fdO_q-c
“Mudborn” draws audiences into a world where innocence masks something far more sinister. What begins as an ordinary story slowly unravels into chaos, with a familiar nursery rhyme and a damaged clay doll soon turning eerie as an ominous force tied to it begins to take hold.
“Mudborn” tells the story of VR game developer Hsu-Chuan (Yo Yang), who brings home a broken clay doll from a haunted house, and his wife, Muhua (Cecilia Choi), an artifact conservator, restores it. But her actions awaken a terrifying force, and what was meant to be fixed ends up unleashing something far more dangerous.
Who would’ve thought that the origin of an ancient clay doll could be so disturbing? Rooted in twister folklore, the film weaves together evil spirits, curses, and rituals, unfolding deep dark secrets of the clay doll.
With its atmospheric horror and tension-filled pacing, “Mudborn” is a must-watch whether you are a horror aficionado or someone just looking for a spine-tingling story. “Mudborn” blends traditional Asian horror elements and delivers an unsettling experience that lingers in your mind until the final scene.
Witness a terror that refuses to stay buried. Meet the clay doll in “Mudborn,” in theaters nationwide.
(ROHN ROMULO)
Muli silang magtatambal sa seryeng ‘Born to Shine’… MICHAEL at ZEPHANIE, naging close pero itinangging naging sila
MULING magtatambal sina Michael Sager at Zephanie sa bagong GMA Afternoon Prime, ang ‘Born to Shine’.
It’s a musical series kaya karamihan sa cast ay mga kilalang singers mula 90’s at sa era ngayon ng mga P-Pop.
Pinapaamin namin sina Michael at Zephanie kung naging sila ba noong ginawa nila ang ‘Sparkle U’, pero pareho ang sagot nila na friends lang sila, though, naging very close talaga sila dahil for Michael na bagong salta sa industriya and from Canada, sila ang naging malapit.
Pero ‘yun nga, nagkahiwalay sila at nagkaroon ng individual career. Pero sabi namin, we really had an impression na naging sila talaga.
Sa isang banda, malaking break kay Zephanie ang ‘Born to Shine’. Ito ang biggest project niya to date. Kay Michael din naman, though, nakapag-lead na siya sa “Shining Inheritance”
Promising sa amin ang trailer pa lang kaya sana talaga mag-hit. Kasama rin nila rito si Olive May, Tina Paner, Manilyn Reynes, Roselle Nava, Vina Morales at iba pa.
Sa Lunes, March 23 na ito magsisimulang mapanood.
***
HUHUSGAHAN na ang bagong team-up nina Rhen Escaño at Joseph Marco sa kanilang Viva One series na sa Wattpad ay isa sa most read, ang “My Husband is a Mafia Boss.”
Ayon kay Joseph, nadiskubre raw niya kay Rhen na wala itong confidence sa sarili, e, ayon dito, magaling naman. Kaya palagi raw n’yang kinakausap at pinapalakas ang loob.
Si Rhen naman, sey n’ya, “Nadiscover ko kay Joseph na pwede pala ‘yon, first time mong makasama na tao, pero hindi mo kailangang mahirapan, mag-effort, para lang magkaroon ka ng connection.
“Kasi, mahirap po ‘yon, totoo… kasi, hindi lahat ng makakasama ko, makakasundo mo kaagad.”
Nagwo-worry raw si Rhen noong una na baka iniisip ni Joseph kung sino lang naman siya.
“Hindi po n’ya pina-feel sa akin na nobody lang ako. And masasabi ko na may special friendship between us. Masaya na may kakampi ka, ‘yung gano’n po.”
Sa totoo lang, bukod sa title at nang mapanood namin ang trailer, ang naalala talaga namin sa serye na ito ay ang mga vertical drama ng chinese na madalas ay gano’n ang tema.
(ROSE GARCIA)
‘Di nagbigay ng detalye bilang respeto sa ex-gf… JERIC, kinumpirma na naghiwalay na sila ni RABIYA
KINUMPIRMA na ni Jeric Gonzales na hiwalay na nga sila ni Rabiya Mateo!
Nangyari ito sa guesting ni Jeric sa “Fast Talk with Boy Abunda” nito lamang Lunes.
Pero umamin man sa hiwalayan ay hindi nagbigay ng detalye ang Sparkle actor sa dahilan ng paghihiwalay nila ng beauty queen/actress.
“Si Rabiya kasi, wala siyang binanggit about sa topic na ‘to, about sa breakup. So parang bilang respeto sa kaniya, Tito Boy, ayokong magsalita about it,” sinabi ni Jeric.
Kapwa nila ipinaglaban ang kanilang relasyon pero nagdesisyon na rin kapwa na maghiwalay.
“But of course, there are things din mutually na nakapagsunduan din namin na parang kung ilalaban natin ‘to, mas mahihirapan tayong pareho. Parang, we have to grow.”
Sa kabila ng nangyari ay friends pa rin daw sila ni Rabiya.
Nagpasalamat rin si Jeric sa mga natutunan niya sa kanilang naging relasyon at sa pag-aalaga sa kanya ng dating karelasyon.
“And of course, she loved me for who I am.
“I mean showbiz, it’s very difficult na magkaroon ng relasyon, but lahat inintindi niya ‘yon. Malawak siyang tao, si Rabiya.
“Sorry kasi sana nga masamahan ko pa siya ngayon sa lahat ng journey niya.
“I’m proud of her, and I wish her all the best pa rin sa lahat ng ginagawa niya.”
(ROMMEL L. GONZALES)
Super proud naman ang boyfriend na si Jericho… JANINE, ‘di makapaniwala na napiling ‘Sexiest Woman Alive’
SUPER proud na boyfriend si Jericho Rosales sa bagong achievement na natanggap ng kanyang girlfriend na si Janine Gutierrez na kung saan napili ito bilang “Sexiest Woman Alive” this year.
Kaya naman sa social media account ng aktor ay pinost niya ang litrato ng magazine cover si Janine.
Caption ni Echo sa kanyang IG post, “And I’m the luckiest boy alive.
“Congrats baba! Cheers to more snackccidents and liempo lunches + Coke together.”
Sumagot naman naman si Janine sa post ng aktor, “Babuuuuuuu!!!! ily thank you.”
Samantala, tila may shock factor pa rin hanggang ngayon kay Janine ang natanggap na titulo mula Esquire Philippines.
In-announce nga ang pagkakapili sa Kapamilya actress noong Tuesday, March 17, kasabay ng pagri-release ng three-cover feature magazine para kay Janine.
“I’m so grateful and kilig that you guys chose to have me as your ‘Sexiest Woman Alive,’” pahayag ng award-winning actress.
“I was super surprised, pero yes agad kasi I’m aware of the ‘Sexiest Woman Alive’ title.
“I always wanted to do an ‘Esquire’ cover and hindi ko magawa-gawa. So when I heard it was ‘Esquire’, I was excited to do it,” sabi pa ni Janine sa unveiling event.
Para kay Janine ang pagiging sexy ay, “Being brave and parang for me authentic to who you are as a woman, the good and the bad.
“Being passionate with the things in your life, like the people you love, your work, your advocacies. I feel like that kind of passion defines a sexy person,” pananaw pa ni Janine.
(ROHN ROMULO)